Аргентина терма жамоаси Қатарда бўлиб ўтган Жаҳон чемпионатининг финал учрашувида Францияни мағлуб этди.
Жамоалар асосий вақтни 2:2 ҳисобида якунлаб, қўшимча дақиқаларда гол уришди. Пенальтилар сериясида аргентиналикларнинг қўли баланд келиб, 4:2 ҳисобида ғалаба қозонишди.
🏆 𝐂𝐇𝐀𝐌𝐏𝐈𝐎𝐍𝐒 🏆 pic.twitter.com/L2QO9h85hf
— FIFA World Cup (@FIFAWorldCup) December 18, 2022
Учрашувда ҳисобни Аргентина терма жамоасининг етакчиси ва сардори Лионел Месси 23-дақиқада пенальтини голга айлантириб очди. Ҳужумчи Анхел Ди Мария 36-дақиқада дублга эришди. Франция терма жамоасининг футболчилари аргентиналикларнинг голларига иккинчи бўлим охирларидаёқ жавоб қайтаришди – 80-дақиқада ҳужумчи Киллиан Мбаппе икки дақиқа ичида иккита гол, биттасини пенальтидан киритди. Месси 108-дақиқада қўшимча бўлимда дубль қайд этган бўлса, 118-дақиқада Мбаппе хет-трик қайд этди.
Аргентина терма жамоаси уч карра жаҳон чемпиони бўлди. Бунгача аргентиналиклар 1978 ва 1986 йилларда жаҳон чемпиони бўлишган.
Футбол бўйича Хорватия терма жамоаси арафасида Марокаш терма жамоасини 2:1 ҳисобида мағлуб этиб, Қатардаги жаҳон чемпионатининг бронза медалининг соҳибига айланди.
