Президент Садир Жапаров ҳукуматнинг янги Airbus H145 вертолётини бойларга ёки сайёҳларга ижарага бериш тўғрисидаги қароридан «фожиа ясашнинг ҳожати йўқлигини» билдирди. Бу ҳақда «Кабар» агентлиги ёзди. Президент бу ҳақда октябрь ойида тўйга бориш учун бир кунлик вертолёт ижарага олган собиқ депутат Азамат Араппаевни муҳокама қилар экан айтган.
2017 йили Tazabek нашри собиқ депутат Азамат Арапбаев Жогорку Кенешнинг VI чақирилишининг энг бой депутатларидан бири эканлигини ёзган эди. 2019 йилда у 33 миллион 922 минг сом ишлаб топган. 2020 йилда эса собиқ депутатнинг шахсий даромади декларацияга кўра, 54 миллион 405 минг сомни ташкил қилган.
«Ўтганда бир тадбиркор ФҲВнинг вертолётини ижарага олиб, Чотқолга бориб келса, «бу вертолётни ҳамма тўйга учиши учун олганмидик?» деб танқид қилганлар бўлди. Бу ерда вертолётни ижарага олиб, тўланган пуллар давлатга тушаётганини тушунишимиз керак. Бошқа ҳусусий компаниялардан ёллаб, маблағ ҳусусий шахсларга тушгандан кўра, маблағ давлат ғазнасига тушса яхши эмасми? Шу боис, биз «давлатнинг вертолётини давлатгина фойдаланиб, бошқа вақтда шунчаки тўхтаб туравериши керак” деган фикрдан кечишимиз керак фақат давлат фойдаланиши керак, акс ҳолда у жим туриши керак», деган фикрни тарк этишимиз керак», — деб билдирди Жапаров.
Бироқ президентнинг ишонтиришича, қимматбаҳо вертолёт сотиб олишдан асосий мақсад ундан қутқарув ишларида фойдаланишдир.
«Масалан, ўтган сафар Тожикистон билан воқеа содир бўлганида, биз тоғларда адашиб қолган аскарларимизни қидириш ва қутқариш учун аввал сотиб олган вертолётимиздан фойдаланганмиз. Вертолёт бўлмаганида, ким билади, қандай кунни кўрган бўларди. Биз уни камида икки кун зўрға топдик. Вертолёт фойдаси бор, зиёни йўқ. Бундан ташқари, барча ҳарбий вертолётларимизни таъмирладик», деди у.
Президент, шунингдек, 2023 йилда мамлакатга яна бир вертолёт олиб келинишини, уни Россия ёрдам сифатида тақдим этишини қўшимча қилди.
«Худо хоҳласа, Россиядан янги йилдан кейин яна бир янги МИ-8 МТВ вертолёти ёрдам сифатида келади. Шу йўл билан эскиларини янгилаб, имкон қадар янгиларини сотиб олмоқдамиз», — дея хулоса қилди Жапаров.
Жапаров ва унинг матбуот хизмати янги вертолёт нархини айтмади, бироқ очиқ манбалардан олинган маълумотларга кўра, Airbus H145 камида 9,7 миллион доллар ёки 824 миллион сом туради.
Жорий йилнинг август ойида Ички ишлар вазирлиги янги Airbus H145 вертолётини харид қилди. У тўрт кишига мўлжалланган. Қирғизистон вертолёт ва 34 та махсус техника учун 384 миллион сом маблағ сарфлаган.
