2022 йилнинг январь-сентябрь ойларида Россиядан Қирғизистонга 55,7 минг киши кирган. Мазкур маълумот Федерал Давлат статистика хизмати (Росстат) томонидан эълон қилинди.
Қайд этилишича, йил бошидан буён Россия аҳолисининг миграция оқими кузатилишда давом этмоқда. Масалан, 2022 йилнинг бошидан бери Росстат (-36,2 минг) миграция оқимини қайд этган. Таққослаш учун: 2021 йилнинг биринчи ярмида Росстат (+268 минг киши) миграция оқимини қайд этган.
Қирғизистон давлат департаментлари маълумотлари Россияникидан кескин фарқ қилади.Қирғизистон Рақамли ривожланиш вазирлиги сентябрь ойида жорий йилнинг саккиз ойида 170 мингга яқин россиялик яшаш жойи бўйича рўйхатга олинганини маълум қилди. Муассаса маълумотларига кўра, рўйхатга олинган россияликлар сони 2021 йилнинг шу даврига нисбатан 28 680 нафарга ошган.
2022-йилнинг 24-февралида Россия Украинага кенг кўламли ҳужум бошлаган. Ўшандан бери Россиядан 500 мингдан ортиқ фуқаро чиқиб кетган.
Россияликларни мамлакатдан оммавий чиқиши бу йил 21-сентябрда яна кўпайган. Бу Россиянинг президенти Владимир Путин қисман сафарбарлик эълон қилингандан кейин бошланган.
Октябрнинг охирида Қирғизистоннинг Чегара хизмати Россиядан келаётганларнинг рус фуқароларининг оқими камайиб, «аввалгидек бўлиб қолганини» билдирган. 2022-йилнинг бошидан бери Қирғизистонга 790 минг киши кириб, унинг ичидан 740 минг нафари қайта чиқиб кетганини хабар қилган.
