Баткенда йўл ҳалокатидан 8 киши вафот этди

154

22 ноябрда Ўш-Раззоқов автомобиль йўлида авто ҳалокат юз бериб, 8 киши ҳалок бўлди. Бу ҳақда «Клооп»га  Боткен вилояти ЙҲХБ матбуот хизмати хабар берди.

Сурат: Боткен вилояти ЙҲХБ

Маълумотга кўра, катта йўлда «Мерседес-Бенц Спринтер» билан «Опель Вектра» тўқнашиб кетган.

Дастлабки маълумотга кўра, «Опель Вектрада»ги 6 киши бир оиланинг аъзолари бўлган — улар Кадамжой туманига қизининг никоҳ тўйига бораётган эди.

«Беш киши воқеа жойида, яна уч киши касалхонага олиб кетилаётганда вафот этди. Ҳозирда тергов ҳаракатлари олиб борилмоқда», — деди инспекторлар.

Сўнгги кунларда бу Қирғизистонда содир бўлган иккинчи йирик авариядир.

Жалолобод вилоятининг Қоракўл шаҳрида 19-ноябрда «Бишкек-Ўш» автомобиль йўлида Ford Transit енгил автомобили ва Scania оғир юк машинаси иштирокида ЙТҲ содир бўлган. Вилоят ЙҲХБ матбуот хизмати ЙТҲ оқибатида олти киши ҳалок бўлганини маълум қилган.

Инспекторларнинг маълум қилишича, Боткен вилояти Қадамжой туманида яшовчи 54 ёшли фуқаро Ford Transit русумли автомашинада Ўш томон кетаётган бўлган.

«У олдидаги юк машинасини босиб ўтиб, қарама-қарши бўлакка чиқиб кетган ва бошқа юк машинасининг олд чап томонига бориб урилган», — дейилади департаментдан.

Ford ҳайдовчиси оғир аҳволда шифохонага етказилган, у ўзига келмай вафот этган.