«Клооп» томонидан ташкил этилган аёллар космик стартапи БМТнинг грантини олади

211

БМТ Тараққиёт дастури Қирғизистонлик икки аёл стартапига 10 минг доллар миқдорида грант ажратди. Биринчиси, «Клооп» томонидан ташкил этилган Қирғизистон космик дастури бўлиб, у ерда бир гуруҳ қизлар мамлакатнинг биринчи сунъий йўлдошини йиғишмоқда. Иккинчиси - WeinCrypto лойиҳаси бўлиб, у ерда аёлларга инвестициялар ва криптовалюталар бўйича таълим берилади.

Грантлар БМТТДнинг ижтимоий инновациялар бўйича минтақавий акселератор дастури – BOOST томонидан тақдим этилди, деб ёзади Kaktus.media ташкилотнинг матбуот хизматига таяниб.

Грантни қўлга киритган лойиҳалардан бири Қирғизистон космик дастури бўлиб, унда бир гуруҳ қизлар мамлакатнинг биринчи сунъий йўлдошини қурмоқда. Шу билан бирга, сунъий йўлдош қурувчилар Бишкек ва вилоятларда Arduino дастурлаш, 3D моделлаштириш ва леҳимлаш бўйича ўқув курсларини ўтказмоқда. Жами 100 дан ортиқ киши асосий курсларни тамомлаган. Ушбу лойиҳага 2018-йилда Kloop Media Foundation фонди томонидан асос солинган.

Иккинчи стартап – WeinCrypto, аёллар ва ёшларни сармоя ҳамда криптовалюталар ҳақида ўқитишга бағишланган марказлаштирилмаган автоном ташкилот. Лойиҳа ижодкорлари ўз мақсадларидан бирини Марказий Осиёда стереотипларни йўқ қилиш ва гендер тенгсизлигига қарши кураш деб аташади.

Инноватор аёллар дастури 2022 йил февраль ойида минтақада гендер тенглигини таъминлаш учун инновациялар ва технологияларнинг кучидан фойдаланиш мақсадида бошланган. Дастурда қатнашиш учун Европа ва Марказий Осиёдан жами 288 та стартап ариза топширган.