Архитектура, қурилиш ва уй-жой коммунал хизмат кўрсатиш давлат агентлиги Иссиқкўл соҳилларида дўкон ва кафелар жойлаштиришни тақиқлашни таклиф қилди. Лойиҳа жамоатчилик муҳокамасига қўйилди.
Вазирлар Маҳкамасидан қарорнинг лойиҳаси президентнинг «Иссиқкўл вилояти аҳоли пунктлари аҳолисининг соҳил ҳудудларига чиқиш ҳуқуқини таъминлаш тўғрисида»ги қарорини амалга ошириш доирасида ишлаб чиқилганини таъкидлашди.
Давлат қурилиш бошқармаси шунингдек, пляж ҳудудида қуйидагиларни ҳам тақиқлашни таклиф қилди:
- одамларнинг яшашига;
- омборлар, савдо марказлари, умумий овқатланиш объектлари, ҳаммом ва сауналарни жойлаштиришга;
- сувга парини киргизишга;
- кийим-кечак ювишга, ҳайвонлар билан сайл қилишга ҳамда уларни кўлга туширишга;
- канализациянинг қувурларини чиқаришга;
- сувга тушиш учун дейилган ховузларнинг сувини оқизишга;
Ҳужжатга кўра, Иссиқкўлнинг қирғоғидан юз метр узоқликдаги ҳудудда, барча парк ва пляж ҳудудларида қутқарув минораларини, тунги чироқларни, кийим алмаштириш хоналарини, чиқинди қутиларини ҳамда қулай ўриндиқлар ўрнатиш режалаштирилган. Яшиллаштириш майдони тунги ёруғлик билан бир кишига 6 квадрат метрдан кам бўлмаслиги керак.
Шунингдек, бутун курортнинг ёки дам олиш масканининг бош режасини олдиндан ишлаб чиқмагунча, шу жумладан мажмуалар ҳудудларини режалаштириш лойиҳаларисиз мустақил санатория-курорт ҳамда дам олиш жойларини қуриб бўлмаслиги таъкидланади.
2022-йилнинг май ойида президент Садир Жапаров фармонга қўл қўйган, унга кўра Иссиқкўл вилоятининг аҳоли пунктларининг турғунлари 2022-йилнинг 1-июлидан бошлаб пляж ҳудудларига бепул кириш имкониятини олган.
