Ўш миллий драма театрига Керимбек Каликулов етакчи бўлди

309

Султан Ибраимов номидаги Ўш миллий драма театрига Керимбек Каликулов етакчи бўлди. Маданият вазирининг ўринбосари Чингиз Эсенгул ўғли уни 10-августда жамоатга таништирди.

Маълумотга кўра, мазкур хизматга синов эълон қилиниб, унга ўнлаган номзодлар билдирув топширишган. Махсус комиссия Каликуловнинг номзодини маъқуллаган.

Драма театрининг директори бўлиб бунга қадар Шерали Бекташев ишлаган.

Каликулов ким?

Керимбек Каликулов ўтган йилнинг октябрида мэриянинг жамоатчилик билан алоқа хизматига етакчи бўлиб тайинланган. Аммо бир ойдан кейин хизматини топширган.

Каликулов буни мэриянинг расмий саҳифасига собиқ мэр, «Ата-Журт Қирғизистон» партиясининг номзоди Таалайбек Сарибашовнинг тарғибот материалининг бўлиниши билан боғлаган.

Сарибашовнинг тарғибот видеоси Ўш мэриясининг саҳифасидан Фейсбукдаги гуруҳларнинг бирига бўлишган. Ўшанда мэриядан ходимларнинг бунга алоқаси йўқ эканини билдиришган.

Собиқ матбуот котиби эса, Сарибашовнинг тарғибот штабида ишлаган Азамат Абсаттаров материални «билмаган ҳолда бўлишиб олган бўлиши мумкин эканини» айтган. Кейинчалик Ўш ХСКси воқеани текширадиган бўлган.

Каликулов мэрияга хизматга келгунга қадар Ўш ТВ давлат телеканалида бош директор бўлиб турган. Шунингдек, 2020-йили ЭлТР давлат телерадиокомпаниясини бошқарган.

Бундан ташқари у шаҳарнинг «Ош шами» газетасида бош муҳаррир, ЎшДУнинг «Нур» газетасида муҳаррир ва «Умут» телестудиясида раҳбарлик хизматларида ишлаган.