Никоҳ тўйига бир нечта сиёсатчиларни таклиф этган журналист Марат Тагаев «Азаттык» нашридан ўз ихтиёри билан кетди.
Бу маълумотни «Клооп» журналистларига «Азаттык»нинг Бишкек бюроси директори Айзада Касмалиева тасдиқлади. Унинг сўзларига кўра, таҳририят билан Тагаев ўртасидаги шартнома 2022 йил 13 июлида тўхтатилган. Журналист тўйи 25 июнда пойтахтдаги Palazzo ресторанида ўтган.
«У ўз хоҳишига кўра хизматдан кетиш ҳақида ариза ёзди. Шартномани бузиш қарори Марат Тагаевнинг никоҳ тўйига ҳеч қандай алоқаси йўқ», — деди Касмалиева.
Марат Тагаевнинг никоҳ тўйи ижтимоий тармоқларда қизғин баҳсга сабаб бўлган — тўйга таклиф этилган баъзи меҳмонлар фойдаланувчилар ўртасида савол пайдо қилган.
У ерга турли сиёсатчилар келган: «Ата-Мекен» партияси вакиллари ва мухолифатчи Равшан Жээнбеков. Уларнинг қаторида ОАВда номи асоссиз пайдо бўлган вице-премьер-министр Эдил Байсалов, коррупцияга аралашганини тан олган божхоначи Райимбек Матраимовга алоқаси бор дейилган «Мекеним Қирғизистон» партиясидан депутатликка номзод Элнура Алканова ҳам бўлган.
Эдил Байсалов ҳуқуқ ҳимоячиси, нодавлат ташкилотларнинг фаоли қатори машҳур, амалдаги ҳукуматни танқид қилиб келади. Аммо Акилбек Жапаровнинг вазирлар маҳкамасига амалдор бўлиб тайинланганидан кейин, позицияси ўзгарган. Байсалов журналистларни ҳукумат вакилларининг жиноятлари ҳақида ёзади деб айбламоқда.
Элнура Алканова ҳам шу каби йўлни босиб ўтган. У «Клооп» ва «Азаттык»нинг собиқ журналисти, «Фергана», OCCRP ва «Бешинчи канал» билан ҳамкорлик қилган.
Журналист бўлиб ишлаётган вақтда, Божхона хизматининг раис ўринбосари, кейин суд коррупция бўйича айбдор деб топган Райимбек Матраимовнинг мулки ҳақида суриштирув тайёрлаган. Ҳатто Алканова суриштирувлари учун мукофот қатори Қатарнинг шайхи Тамим бин Хамад ал-Танидан 125 минг доллар олган.
Аммо кейинроқ у Матраимовнинг фаол фойдаланувчиси ва ҳимоячисига айланиб, митингларни уюштириб, божхона ходими судига келиб, унинг коррупцияга аралашмаганини айтган.
