Рақамли ривожлантириш вазири Талантбек Иманов «Кабар» ахборот агентлигига берган интервьюсида, «Улан» ОАЖдан ўғирлаган 54 млн сом тўғрисида «Азаттык» суриштирувиги изоҳ берди.
Иманов суриштирувда келтирилган маълумотларни «ёлғон туҳмат ва фактларни ёлғон маълумот» деб атади.
«Мақола муаллифлари ва уларнинг маълумот манбалари ўзлари кўришни хоҳлаган ҳақиқат қатори бермоқда, ўз манфаатлари учун ёлғон ва аниқланмаган хабарни бермоқда. Йўлларидан кесиб ўтганга ўхшайман. Қисқача айтсам. Ҳа, «Улан»нинг ходимларига нисбатан Жазо кодексининг 205-моддасининг 3-қисми (Жиноят ва жазо кодексининг эски таҳририда «Ишониб берилган мулкни ўзлаштириб олиш ёки сарфлаш» — таҳр.) бўйича жиноят содир этилган. Бу иш бўйича сўроқ берганман. Кейин жиноят таркиби бўлмагани учун менга нисбатан иш тўхтатилган», — деди у.
«Азаттык»нинг ўзидан эса, Иманов суриштирув бўйича бир неча марта изоҳ беришни ваъда қилиб, аммо бермаганини таъкидлашди.
«Азаттык»нинг суриштируви
Жорий йилнинг 20 июнида «Азаттык» «Дастан трансмиллий корпорацияси»нинг ва унинг шўъба корхонаси «Улан» ишхонасидан ўғирланган пуллар ҳақида суриштирувини эълон қилган.
Суриштирувда давлат ишхонасидан миллионлар ўғирлангани айтилган. Масалан, 2020 йилнинг 6 ноябрь куни МХДҚ «Улан» ишхонасининг раҳбарини ҳибсга олган. Унда махсус хизмат «Дастан» заводининг ва «Улан» ОАЖнинг ходимлари томонидан бюджет маблағларини ўзлаштириб олиш факти аниқланганини билдирган. Ўша вақтда Таланбек Иманов «Дастан»нинг директори эди.
Суриштирувда «Азаттык» ушбу маблағ қандай чиқарилганини, мазкур иш бўйича гумондорлар жарима тўлаб қутилиб кетганини айтишган. Суриштирувчи журналистлар ўғирланган 54 млн сомнинг изи рақамли ривожлантириш вазири Талантбек Имановга олиб боришини таъкидлашган.
