«Алтин тамға» синовининг натижаси асосида республика бўйича 80 битирувчи махсус русумдаги аттестат олиш ҳуқуқини тасдиқлади. Бу ҳақда Таълим вазирлигининг матбуот хизмати билдирди.
У ердан бунга қадар қизил аттестат олиш учун 2 232 битирувчи ҳаракат қилганини ҳам қўшимча қилишди.
Таълим вазирлиги «Алтин тамға» аттестатини олиш ҳуқуқи тасдиқланмаган битирувчиларга қайтадан синов ўтказилади деган маълумот ҳам инкор қилинди.
«Ҳозирда “Алтин тамға” синовининг натижасидан шикоят қилишга аризалар қабул қилинмоқда (компьютер ҳисоблаган балларни қўл билан ҳисоблаш). Апелляциянинг натижаси номзодларнинг барча аризалари кўриб чиқилгандан кейин чиқарилади», — деб билдиришди Таълим вазирлигидан.
Таълим вазирлиги апелляцияни кўриб чиқишни тестни қайта топшириш билан тенглаштирмасликни сўради.
Аввалроқ «Алтин тамға» хулосаловчи аттестациясига қатнашган айрим мактаб битирувчиларининг ота-оналар синовнинг натижасидан норози эканини билдиришган. Улар фарзандлари синовни қайтадан топширишини талаб қилишган.
Онта-оналар болаларнинг аксарияти саволлар нотўғри тузилгани сабаб аттестациядан ўтмай қолганини айтишган.
«Алтин тамға» – бу махсус намунадаги аттестат олишга лойиқ мактаб битирувчилари топширувчи тест синови.
Синов 31-майда Бишкек шаҳрида ва вилоят таълим марказларида ўтган. У ҳар йили ўтказилиб, битирувчиларнинг олган билимига мустақил баҳо беради.
