Қаттиқ ёққан ёмғир сабаб 27-28-май кунлари Ўш ва Жалолобод вилоятларига сел келди. Бу ҳақда Фавқулодда ҳолатлар вазирлигининг матбуот хизмати билдирди.
Вазирликнинг маълумотига кўра, 27-майда Ўш вилоятининг Ўзган туманининг Қош-Этер қишлоғида ички йўлларни сув қоплаб, турғунларнинг турар жойларида хавфли вазият юзага келди. Қишлоқ турғунлари қариндош-уруғлариникига кўчирилган.
![](https://uz.kloop.asia/wp-content/uploads/sites/9/2022/05/284439777_386620426844023_1152953356769756448_n.jpg)
Бундан ташқари, сел сувлари Чечебай қишлоғидаги 20 уйнинг ҳовлисини қопалаган.
ФҲВнинг маълумотига кўра, Жалолобод вилоятида 28-майда 17 уй, 1 кўп қаватли уй, шунингдек 5 давлат ва 3 ҳусусий объектларни сел қоплаган. Селнинг оқибатларини бартараф қилиш учун 50 қутқарувчи жалб қилинган.
Фавқулодда ҳолатлар вазирлиги селнинг оқибатидан жабрланганлар ҳақида маълумот бергани йўқ.