Президент Садир Жапаров бир неча жиноят иши қўзғалган журналист Болот Темиров қонун олдида «барча билан бирдек» жавоб бериши керак деб ҳисоблайди. Бу ҳақда у «Кабар» давлат агентлигига берган интервьюсида айтди.
Темировга янги уч иш қўзғалгани ҳақида Temirov LIVE’нинг суриштируви чиққандан кейин билинди. Унда журналистлар Жалолободдаги бензин етказувчи тендерларни «Мокка Групп» компанияси ютиб олгани ҳақида айтилган. «Мокка Групп» компаниясининг асосчиси Тай-Мурас Ташиев — МХДҚнинг етакчиси Қамчибек Ташиевнинг ўғли.
Жапаровнинг айтишича, Темировга қарши жиноят ишлари уч ой аввал қўзғалган. Жапаров журналист бошқа бировнинг ҳарбий билетини ўғирлаб олиб, унга ўзининг суратини ёпиштириб, исм-фамилиясини ўзгартириб, шундан кейин қирғиз паспортини олган.
Жапаров Темиров ўзи Россиянинг фуқароси бўлганини, ҳарбий гувоҳноманинг ҳақиқий эгаси эса топилганини қўшимча қилди. Шу билан бирга, давлат раҳбари Мудофаа вазирлигининг маълумотига кўра, журналист ҳеч қачон қирғиз армиясида хизмат ўтамаганини билдирди.
«Болот Темиров журналист бўлгани учун резонанс бўлмоқда. Нима бизда “журналист бўлгани учунгина жиноят қилавер, жавобга тортилмайсан” деган қонун борми? Бошқалардан нимаси ортиқ? [Темиров] ҳамма билан бирдек жавоб беради. Қонун президентдан бошлаб оддий фуқаролар учун ҳаммага баробар», — деди Жапаров.
Давлат раҳбари агар фуқаролар ҳуқуқ тартибот органларига ишламаса, журналистлар Темировга қўзғалган жиноят ишларининг ҳужжатларини таҳлил қилиб чиқувчи ўзларининг комиссиясини тузиш мумкин деди.
«Бундай сохта ҳужжат ясаб олиб жавобга тортилаётган одамлар юзлаб саналади. Болот Темиров улардан бири холос. Ишонмасанглар журналистлардан иборат комиссия тузиб бориб, ИИВдан қоғозларни кўринглар. ИИВ кўрсатади. Маҳфий эмас», — деди президент.
МХДҚнинг етакчиси Қамчибек Ташиев ҳам Темировга қарши қўзғалган жиноят ишлари ҳақида шундай баёнот қилган. У ҳам Жапаров каби журналист ҳарбий билетни ўғирлаб, паспортни ноқонуний олган деган.
Ташиев Темировга қўзғалган ишлар билан ўзи танишиб чиққанини, бу жиноят ишлари бўйича Темировдан ташқари, журналистга паспорт берган амалдорлар ҳам жавобга топтилиши кераклигини қўшимча қилди.
Темировга қўзғалган жиноят ишлари
Милиция суриштирувчи журналист Болот Темировнинг устидан тўрт жиноят иши қўзғаган. Уч иш бўйича журналист МХДҚнинг етакчиси Қамчибек Ташиевнинг қариндошлари ҳақида суриштирув эълон қилгандан кейин маълум бўлган.
Темировга қарши паспортни ноқонуний олиш, ҳарбий гувоҳномани сохталаштириш, чегарани ноқонуний кесиб ўтиш ва гиёҳванд модда тайёрлаш фактлари билан жиноят ишлари қўзғалган.
Ички ишлар вазирлиги 21-апрелда журналистнинг ишлари бир ишга бириктирилганини, ҳозирда материаллар билан Темиров ўзи танишаётганини билдирган. Кейин иш судга ўтказилади.
Терговнинг версиясига кўра, Темиров рус фуқаросининг паспортига эга бўлиб туриб Қирғизистон фуқаролигини ноқонуний олган. Шунингдек икки давлатнинг чегарасидан 50дан ортиқ марта кесиб ўтган.
Темиров бу жиноят ишларини журналистларнинг гуруҳи МХДҚнинг етакчиси Қамчибек Ташиевни оиласининг «ишларини» ошкор қилгани учун тақиб қилиш деб атаган. Журналистнинг адвокатлари эса журналистга нисбатан қўзғалган жиноят ишларини «бутунлай абсурд» деб аташган.
