«Бутун Қирғизистон» мухолифат фракциясининг лидери Адахан Мадумаров 18-апрелда Жогорку Кенешнинг тармоқ қўмитасининг йиғинида «ноқонуний» тингловга олинганини айтди. Бу ҳақда у МХДҚ расиининг ўринбосари Рустам Мамасадиковга мурожаат қилаётиб, билдирди.
У рамазон вақтида ифторга доим бир ресторанга боришини, у ердаги кондиционердан эшитувчи қурилма топилганини айтди. Мадумаров тинглов аппарати иккинчи марта топилаётганини таъкидлади.
«Бу уят. Аппаратни менинг чўнтагимга солиб беринглар. Шундай нарсаларга жиддий чора кўриш керак. Мен эрталаб матбуот анжумани ўтказиб, барини кўрсатиб берайин дегандим», — деди депутат МХДҚнинг вакилига.
Мадумаровга МХДҚ раисининг биринчи ўринбосари Рустам Мамасадиков «бизга сиз ҳақингизда тезкор маълумот қизиқ эмас» деб жавоб берди. У Мадумаровга бу бўйича ресторан раҳбарига мурожаат қилишни сўради.
«Биз сиз билан, бошқа одамлар билан ҳам бундай шуғулланмаймиз. Бизга сиз ҳақингиздаги маълумот қизиқ эмас. Буни биздан эмас, ресторан эгасидан, хавфсизлик хизматидан сўранг. Бизга ариза ёзинг, аниқлаймиз», — деди у.
Мамасадиков махсус хизмат эшитувни суднинг рухсати билангина олиб боришини, ноқонуний эшитиш учун жазо чоралари жиноят кодексида кўрсатилганини қўшимча қилди.
Фуқароларни санкциясиз эшитиш
Жогорку Кенеш депутатлари 2-март куни биринчи ўқишда миллий хавфсизлик органлари ҳақидаги қонун лойиҳасини қабул қилишган.
Лойиҳадаги «МХДҚ суднинг рухсатисиз фуқароларни эшитиб, пойлаб ва ижтимоий тармоқлардаги ёзиувларини очиқлашга рухсат олади» деган меъёри фуқаровий жамиятнинг хавотирига сабаб бўлган.
7-февралда Мадумаров бу лойиҳаларни танқид қилиб, бироқ кейинчалик қонун лойиҳасининг фақат концепциясини – ҳужжатни фуқаровий жамият вакиллари билан давра суҳбатида муҳокама қилиш шарти билан қабул қилишга рози бўлган.
Натижада парламент қўмитаси МХДҚнинг қонун лойиҳасини концепциясини қабул қилган.
«Қирғизистоннинг миллий хавфсизлик органлари ҳақидаги» қонун лойиҳаси 2018-йилдан бери муҳокамада. Бу ҳужжатнинг янги версияси очиқ манбаларда йўқ, бироқ лойиҳанинг биринчи версияси Юстиция вазирлигининг сайтида берилган.
