Россияни 24 февралда бошланган Украинага кенг кўламли ҳужуми давом этаётганига бир ой бўлди.
БМТ 24 февралдан 22 мартгача урушда камида 977 турғун, унинг орасида 81 бола ҳалок бўлиб, 1594 киши яраланганини билдирди. Ташкилотдагилар реал сонлар анча кўп бўлиши мумкинлигини, сабаби ҳарбий ҳаракатлар бўлаётган жойлардаги маълумотларнинг кўпи кечикиб келиб, улар қўшимча талаб қилаётганини таъкидлашди.
Россия президентининг матбуот котиби Дмитрий Песков Украинанинг тинч аҳолиси ўлаётгани ҳақидаги маълумотга жавоб бераётиб, рус «аскарлари тинч аҳолини отмаганини» билдирди.
«Аскарлар турғунлар қўлига қурол олиб бизникиларни нишонга олмагунча уларга ўқ отмади», — деди Песков.
У Россияни Украинадаги «махсус операцияси» «ривожланаётгани, режа ва қўйилган вазифалар асосида бораётганини» ҳам қўшимча қилди. Рус аскарлари Украинага ҳужум қилишини эълон қилаётганда президент Владимир Путин Россия Украинани «демилитаризация ва денатсификациялашга» ҳаракат қилишини билдириб, украиналик аскарлардан қуролларини ташлашни талаб қилган.
АҚШ давлат котиби Энтони Блинкен “[Украинадаги рус ҳарбийларини] танламай туриб қилган ҳужумлари ва оддий халққа қарши ҳужумлари ҳамда бошқа зўравонликлари ҳақида ҳам кўплаган ишончли маълумотлар борлигини» билдирди. Унинг айтишича, рус аскарлари уйларни, касалхоналарни, мактабларни, савдо марказларини ва тез ёрдам машиналарини йўқ қилиб, натижада минглаган турғун ўлган ва яраланган.
Американинг халқаро ҳақиқат масалалари бўйича вакили Бет ван Шаакнинг айтишича, АҚШ Украина ҳудудида бўлиши мумкин бўлган ҳарбий жиноятлар ҳақидаги маълумотларни йиғмоқда, маълумотлар халқаро ташкилотларга ва чет давлатларига ўтказиб берилади.
Россиянинг The Insider нашрини 42 ёшдаги журналисти Оксана Баулина ҳалок бўлгани расмий тасдиқланди. У Киевда ракета ҳужумида қолган. Нашр журналист рус ҳарбийлари ҳужумидан кейин қолган шаҳардаги Подолск туманидаги вайроналарни тасвирга олиб юрганини ёзди. The Insiderнинг маълумотида, журналист билан на бир турғун ҳалок бўлган. у билан бирга борган икки киши яраланиб, касалхонага ётқизилган.
Бунгача ҳам Украинадаги урушда чет эл журналисти ҳалок бўлган. У америкалик журналист Брент Рено экани маълум бўлган.
НАТОнинг ҳисобида, бир ойдан бери Украинадаги урушда рус армияси шахсий таркибининг йўқотишлари (ўлдирилган, яраланган, асирга тушган, бедарак йўқолган) 30 мингдан 40 минггача аскарларни тузган.
Россиянинг мудофаа вазирлиги 2 мартда бир марта 498 рус аскари ҳалок бўлиб, 1597си жароҳатланганини маълум қилган. Муассаса 2870 украин аскари ҳалок бўлганини ва 3700 яқини яраланганини билдирган.
Владимир Путин «дўст бўлмаган» давлатларга берилаётган русларнинг табиий гази учун ҳақни рубль билан тўлашни топширди. Бу рўйхатга Россия қарши санкциялар киритган давлатлар киради, Европа иттифоқига аъзо давлатлар, АҚШ, Буюк Британия ва бошқалар. Бу билдирув шароитида рубль барқарорлашиб, долларнинг нархи 98 рублдан камайиб кетди.
Дунё компаниялари Россиядаги фаолиятини вақтинча тўхтатишни давом эттиришмоқда. Франциянинг Renault автомашина концерни Москвадаги заводининг ишини вақтинча тўхтатди. Шунингдек, Франциянинг Sanofi биотехнология компанияси Россияга аҳамиятли дорилардан бошқа барча дори-дармонларни ва вакциналарни етказишни тўхтатди.
«Новая газета» билдиришича, Sanofi компанияси чиқарган дорилар орасида оғриқ қолдирувчи «Но-шпа», «Магне В6» био қўшилмаси, йўталга қарши «Лазолван» сиропи ва аллергияга қарши «Зодак» дориси бор эди.
Яқинда Украина президенти Владимир Зеленский Франция парламентида сўзлаётиб, француз компанияларини Россия бозоридан чиқишга чақирган.
Анатолий Чубайс Россия президентининг барқарор ривожланиш бўйича махсус вакили ишдан кетди. Ахборот агентликлари Чубайс ўлкадан чиқиб кетганини ёзишмоқда, агар бу маълумот тасдиқланса, унда у Украинадаги уруш вақтида юқори лавозимидан кетган биринчи амалдор бўлади.
«Чубайс ўз истаги билан кетди. Россиядан чиқиб кетдими йўқми — бу ўзини иши», — деди Дмитрий Песков.
Давлат думасидаги ҳукуматнинг «Единая Россия» партиясининг депутатлари ўлкадан фракция лидери Владимир Василевнинг рухсати билангина чиқиб кета олишади.
