16 мартда «Ак-Уй КейДжи» масъулияти чекланган жамиятининг асосчиси «фирибгарликда» гумонланиб қўлга олинди. Бу ҳақда Биринчи май туман ички ишлар бошқармасининг матбуот хизмати билдирди.
Маълумотга кўра, Бишкек шаҳрининг турғуни «Ак-Уй КейДжи» ишхонаси асосчиларидан бири алдаб кетганини айтиб туман милициясига мурожаат қилган. У гумондор ўтган йилнинг 18 ноябрида нархи 679 600 сомга машина олиб бераман деб 369 600 сом олиб, йўқ бўлиб кетганини билдирган.
Бу факт 10 мартда «Фирибгарлик» моддаси билан рўйхатга олиниб, 34 ёшдаги А.Т исмли фуқаро ушланди. Гумондор Биринчи май ТИИБнинг вақтинча сақлаш жойига киритилди.
Юстиция вазирлигининг маълумотига кўра, «Ак-Уй КейДжи» масъулияти чекланган жамиятнинг асосчиси ва етакчиси қатори Талант Айтбаев кўрсатилган. Қўлга олинган фуқаронинг инициаллари унинг симига тўғри келади.
Жабрланувчиларнинг бири Дарико Усубакунова «Клооп»га «Ак-Уй КейДжи» компаниясига кредит олиб, компанияга 306 минг сом тўкиб, ололмай юрганини айтади.
«уйга зор бўлгани учун шу кооперативнинг фоизи оз деб эшитиб мурожаат қилган эдим. [...] Эртароқ уй олайин деб кредит олиб, умумий 306 минг сом тўладим. Уйни мартда олишим керак эди. Билсам, мен ўтган йилнинг октябрь ойида пул тўкканда бошқаларга уй олиб беришмаётган экан. Рўйхат тузсак умумий Бишкекдан 106 одам бор экан, Ўшдан 18 одам пул тўкибди», — деб билдирди у.
Жабрланувчи турар-жой ва машина олиш учун пул тўкиб, ололмай юрган юздан ортиқ одам борлигини таъкидлади.
«Ак-Уй КейДжи» компаниясининг Инстаграмдаги саҳифасида улар турар-жой, квартира, ер участкаси ва кўчмас мулкка тегишли барча нарсани фоизсиз турда бўлиб тўлаш йўли билан олиб бериши айтилган. Компанияни реклама қилган роликлардан актриса Гулжайна Атаканова ва тўкма оқин Максат Кулуевни кўриш мумкин.
Шу куни Ўш шаҳрида S-LINE нотижорий турар-жой кооперативининг етакчиси Бактибек Алиев қўлга олиниб, вақтинча сақлаш жойига киритилди. Ўш ШИИБнинг маълумоти бўйича Алиев одамларга уй олиб беришни ваъда қилиб, пул олиб, бироқ бажармаган.
S-LINE кооперативига қарши 24 киши ариза ёзган. Улар кооперативга кириш учун биринчи 218 минг сом тўлаб, кейин ҳар ойда белгиланг суммани тўкиб туришганини айтишган. Кооперативнинг ишига пул солганлар 40 миллион сом зарар кўришган деб ҳисобланди.
