Россиянинг Украинага ҳужуми. Охирги кеча-кундузга кўра асосий маълумотлар

349
Украинанинг Сумск вилоятидаги артиллерия ҳужумларига учраган ҳарбий қисмдаги вайроналарни тозалаш. Сурат: Сумск вилояти Губернатори Дмитрий Живицкий

Украина билан Россия делегацияларининг биринчи сўзлашуви 28-февралда украин-беларус чегарасида бўлди. Томонлар 25-февралдан бери учрашув бўладиган жой бўйича бир фикрга келолмаётган, бироқ сўзлашувлар бўлди. Делегациялар ўз шаҳарларидаги консультациялардан кейин яқин кунларда навбатдаги учрашувга йиғилади — бу Украина билан Польша чегарасида бўлади.

Рус делегацияси украиналиклар билан «айрим позициялар бўйича келишишга яқинлашишганини» айтишди. Украина томон сўзлашувларда «муҳим мавзулар аниқланиб, улар бўйича айрим ечимлар аниқланганини» билдирди.

Сўзлашувлар рус ҳарбийларини Киевга жалб қилиш ва Украина шаҳарларини ўққа тутиш вақтида ўтди. Айниқса жиддий ҳужумга Харьков дуч келиб, унинг орасида аҳоли пунктлари ҳам бор. Маҳаллий ҳукумат 11 киши ҳалок бўлганини маълум қилди.

Харьков шаҳрининг мэри Игорь Терехов ҳужумга камида 87 уй учраганини, трансформаторларга отилган ўқдан шаҳарда электр ёруғи узилганини билдирди.

Бу орада президент Владимир Путин француз президенти Эммануэль Макрон билан телефон орқали сўзлашиб, Макрон ундан урушни ва тинч аҳолига ўқ отишни тўхтатишни сўраган. Путин урушни тўхтатиш учун аввал айтилган талаблар бажарилиши кераклигига тўхталди: Қримни Россияни ери деб тан олиш, Украинани «демилитаризация ва денацификация қилиш», ҳамда унинг бетараф мақомини таъминлаш.

Владимир Зеленский Украинани махсус процедура бўйича Европа иттифоқи аъзолигига қабул қилиш аризасини берди. Зеленскийни Болгария, Чехия, Эстония, Латвия, Литва, Польша, Словакия ва Словения давлатларининг бошчилари қўллади. Улар Европа иттифоқига аъзо мамлакатларнинг бошчиларига хат ёзиб, Украинага ЕИга номзод давлат мақомини беришни сўрашган.

Германия билан Нидерландия вакиллари ЕИга қўшилиш процесси узоқ давом этишини, уни бир ойда битириб қўйиш мумкин эмаслигини айтишди.

«Евроиттифоқ билан Украинанинг алоқаси ҳозиргидан ҳам тиғиз бўлиши мумкин, бироқ бугунги кунда тўлиқ аъзолик ҳақида сўз бўлмади», — деб билдирган Нидерландия бош вазири Марк Рютте.