Қозоғистон –Қирғизистон темир йўл қатнови 21-февралдан қайта иш бошлайди

337

Қозоғистон 21-февралдан эътиборан Қирғизистондан Россияга темир йўл орқали йўловчи  поездлари учун ўз ҳудудидаги чегарасини очади. Қирғизистондан чиққан поездлар Россияга фақат Қозоғистон  орқали ўта олади.

Темир йўл қатновини қайтадан жонлантириш қарори Қирғизистон билан Қозоғистон ўртасидаги савдо-иқтисодий ҳамкорлик бўйича ишчи гуруҳнинг 15-16-февралда ўтган  1-йиғилишида қабул қилинди.

Аммо вазирлар маҳкамасидан йўловчи ташиш Россиянинг розилиги олингандан кейин жонланишини, шунинг учун Транспорт вазири Россия билан сўзлашувларни олиб бораётганини қўшимча қилди.

«Йўловчилар COVID-19га қарши тест топшириб ёки “COVID-19сиз саёҳатда” қўлланмасидан вакцина олгани ҳақида сертификатни кўрсатиши керак», — дейилади вазирлар маҳкамаси маълумотида.

Россия билан темир йўл қатнови 2020-йили коронавирус пандемияси туфайли тўхтатилган. Мамлакатлар йўловчи ташувчи рейсларини қайтадан жонлантиришга тайёр эканини бир неча бор айтишган, аммо Қозоғистон чегараси ёпиқ бўлганидан буни амалга оширишнинг имкони бўлмаётганди.