Қирғиз-қозоқ чегарасидаги «Ак-Тилек — Автойўл» ўтказиш бекатида 11 январь куни соат 22:00га кўра машиналар тирбандлиги пайдо бўлди. Бу ҳақда МХДҚнинг чегара хизмати билдирди.
Маълумотга кўра, навбатда 130га яқин оғир юк ташувчи машина турибди — унинг 10таси қишлоқ хўжалиги маҳсулотлари билан, 20си контейнер билан яна 100 юксиз турибди.
«Юк ташувчи машиналарни тўпланиши байрамдан кейинги юк ташувлар кўпайгани ва Қозоғистон ҳудудидаги текширув сабаб пайдо бўлди. Чегара хизмати қирғиз томондан юк ташувчи транспорт воситаларини чегара назоратидан ўтишда ҳеч қандай чекловлар киритмаганини билдирди», — деб билдиришди муассасадан.
Чегара хизматидан бошқа ўтказиш пунктларида фуқаролар ва машиналар тирбандлиги кузатилмаганини таъкидлашди.
Қозоқ ҳукумати 7 январдан бошлаб қирғиз-қозоқ чегарасидаги ўтказиш бекатининг бештасини вақтинча ёпган, улар: «Каркира — Автожол», «Кен-Булун — Автожол», «Токмок — Автожол», «Ак-Жол — Автожол» ва «Ак-Тилек —Автожол». Бунга Қозоғистоннинг «Ягона маълумот тизими ишдан чиққани» сабаб бўлгани айтилган.
Қирғизистоннинг чегара хизмати ҳозирда Чуй вилоятидаги «Чалдибар — Автожол» ва Талас вилоятидаги «Чон-Капка — Автожол» пунктлари «COVID-19га боғлиқ бўлган чекловлар асосида» штат режимида ишлаётганини билдирган.
Шунингдек, Қирғизистонда бўлган Қозоғистон фуқаролари «Ак-Жол — Автожол», «Ак-Тилек — Автойўл ва «Каркира — Автожол» пунктларидан қайта олишади. Қозоғистонда бўлган қирғизистонликлар эса ўлкага «Чалдтбар — Автожол» ва «Чон-Капка — Автожол» ўтказиш пунктлари орқали кира олишади.
