Бир қатор ОАВлар шахсий манбаларига таяниб Миллий хавфсизлик давлат қўмитасининг етакчиси Қамчибек Ташиев пневмония касали билан касалхонага ётқизилганини ёзиб чиқди.
Маълумотга кўра, махсус хизматнинг етакчиси Республика юқумли касалликлар шифохонасига 4-январда ётқизилган. Ҳозирда унинг аҳволи қониқарли.
«Қамчибек Ташиевдан COVID-19ни аниқлаш учун тест олинди. Унинг натижаси эрта билан тайёр бўлади», — деб ёзди «Кактус» нашри.
МХДҚнинг матбуот хизматидан эса изоҳ олиш имкони бўлмаяпти.
Ташиев 2020-йилнинг июль ойида ҳам икки томонлама пневмонияга учраб, касалхонага ётқизилган.
