Нурсултон Назарбоев хавфсизлик кенгаши раиси хизматидан олинди

311
Нурсултон Назарбоев ва Касим-Жомарт Токаев

Қозоғистон президенти Касим-Жомарт Токаев халққа мурожаат қилиб, ўлканинг хавфсизлик кенгаши хизматини бошқаришини билдирди. Бунгача мазкур хизматни Қозоғистоннинг тўнғич президенти Нурсултон Назарбоев эгаллаган.

Токаев Қозоғистон президенти ва хавфсизлик кенгаши раиси сифатида «фуқароларнинг хавфсизлиги ва тинчлигини, ўлканинг бутунлигини сақлаш учун» қатъий чоралар кўришга тайёрлигини таъкидлади.

Унинг айтишича, оммавий норозиликлар вақтида қабул қилинган чоралар «етарли бўлмаган». Сабаби ўлкада бўлаётган тартибсизликларни «олдиндан уюштирувчилари бор ва бу режалаштирилган».

«Нима бўлса ҳам мен пойтахтда бўламан. Халқ билан бўлиш менинг конституциявий бурчим. Қозоғистон тарихидаги бу қора доғдан биргаликда чиқамиз. Кучли бўлиб чиқамиз», — деди Токаев.

Нурсултон Назарбоев 2019-йили президентликни топшириб, кўп ўтмай хавфсизлик кенгаши раиси бўлган. бу лавозим Қозоғистондаги юқори лавозимларнинг бири — Назарбоев буни йил давомида ишлашга ҳақли бўлган.

2-3-январь кунлари Қозоғистоннинг Янги-Ўзўн ва Актау шаҳарларида газнинг қимматлашига қарши норозилик акциялари бошланган. Митингга минглаган одам йиғилган. Улар газнинг нархини арзонлатишни ва ҳокимларни сайлаш йўли билан хизматга жойлашни талаб қилишган.

4-январда норозилик акция Нур-Султон (Остона), Олмота, Чимкент, Караганди, Атирау, Актўбў ва бошқа шаҳарларида ўтди. Норози томон газнинг нархини камайтиришдан ташқари ҳукуматнинг истеъфосини талаб қилмоқда. Шунингдек, Қозоғистоннинг тўнғич президенти Нурсултан Назарбоевни дахлсизлигидан маҳрум қилиш талаби ҳам айтилди.

Бу орада Қозоғистон президенти Касим-Жомарт Токаев халққа икки марта мурожаат қилиб, уларни сабр қилишга чақирди. Қозоқ нашрларида эълон қилинган президентнинг видео мурожаатида «ҳукумат қулатилмайди» деб ишонтирган.

Шу билан бирга Токаев газнинг нархи қимматлагани сабаб норозиликка йўл берилгани учун айб ҳукуматга, энергетика вазирлигига, «КазМунайГаз» ва «Казакгаз» компаниялари зиммасига юкланишини қўшимча қилган.

5-январга ўтар кечаси Олмаотада норозилик акциясининг минглаган иштирокчилари ва полиция ходимлари тўқнашиб, кўздан ёш оқизувчи газдан фойдаланган. Бундан ташқари, намойишчилар бир неча полициянинг машиналарини ёқиб юборишган.

Шу куни митингчилар Олмаота шаҳар маъмурияти биносини босиб олишган. Қозоғистоннинг ОАВлари Олмаотада президент резиденциясида ёнғин чиққанини маълум қилишган.

Шу сабаб Токаев Олмаота шаҳрида, Мангистау вилоятида кейинчалик пойтахт Нур-Султон ва Олмаота вилоятида 19-январгача фавқулодда ҳолат эълон қилган.