Футбол федерациясининг собиқ бош котиби Нуртазин Жетибаев президент иш бошқарувчисининг биринчи ўринбосари бўлиб тайинланди. Бу ҳақда президент маъмуриятининг сайтида маълум қилинди.
![](https://uz.kloop.asia/wp-content/uploads/sites/9/2021/12/photo_2021-12-16-12.52.33-1.jpeg)
Мазкур буйруққа президент Садир Жапаров қўл қўйди.
Аввал бу хизматни Тилек Батирканов бажариб келган. Энди у президентнинг иш бошқарувчиси бўлиб тайинланди. Жетибаев ўз вақтида ҳукуматга қарашли Давлат рўйхатга олиш хизмати етакчисининг ўринбосари бўлиб ишлаган.
Нуртазин Жетибаев турли тармоқларда ишлаган. 2008-2012-йиллари Футбол федерациясининг бош котиби бўлган, кейин Бош прокуратуранинг иш бошқармасининг етакчиси бўлиб ишлаган, 2019-йилдан бери эса Соғлиқни сақлаш вазирлигининг қошидаги лойиҳани амалга ошириш гуруҳининг етакчиси бўлган.