«Унаа» давлат ишхонаси қайтадан ярим млрд сомга тендер эълон қилди

317

Рақамли ривожлантириш вазирлигига қарашли «Унаа» давлат идораси қайтадан транспорт воситаларини рўйхатга олиш гувоҳномаларининг бланкасни тайёрлашга тендер эълон қилди.

Тендер 15-ноябрда Давлат харидлари порталида эълон қилинди. «Унаа» ҳужжатларни тайёрлашга 448 млн 800 минг сом сарфлашни режалаштирмоқда. Билдирувлар 2021-йилнинг 7-декабригача қабул қилинади.

Бекор қилинган тендер

Бу тендерни «Унаа» иккинчи карра ўтказмоқчи. Биринчи тендер Temirov LIVE’ журналистларининг суриштирувчисидан кейин бекор қилинган. Унда журналистлар ўша вақтда «Унаа»ни бошқариб турган Турусбек Тумонбаевнинг товламачилиги ҳақида айтиб беришган.

Уларнинг маълумотига кўра, 2021-йилнинг 21-июлида «Унаа» давлат идораси транспорт воситаларини қайд этиш гувоҳномаларини ва ҳайдовчилик гувоҳномаларининг халқаро русумдаги бланкларини сотиб олиш учун ярим миллиард сомга тендер ўтказган. Танловда  «Госзнак» компанияси енгиб чиққан. Журналистлар мазкур фирма билан Тумонбаевни қизининг ўртасидаги алоқани топишган.

Temirov LIVE’нинг суриштирувида Тумонбаев президент Садир Жапаровнинг қудаси экани ҳам айтилган.

12-сентябрда, аниқроғи, суриштирув эълон қилингандан кейин минкабнинг етакчиси Улукбек Марипов «Унаа» тарафидан ярим млрд сомга ўтказилган тендер бекор қилинганини, давлат идорасининг фаолияти эса президентнинг буйруғи билан текширилаётганини билдирган.

«Вазирлар кабинети махсус суриштирув ўтказиб, тендернинг натижасини ўша заҳоти тўхтатдик. Чунки тўхтатмасак натижасида баримиз транспорт воситаларини олаётган махсус гувоҳноманинг қиймати икки баробарга қимматлаб кетар эди — шу сабабдан тўхтатганмиз. Президентнинг топшириғи бўйича суриштирув бунгача ҳам олиб борилди,Худо хоҳласа 13-сентябрда натижаси чиқади», — деди Марипов», — деган у.

Минкабнинг маълумотига кўра, «Госзнак» билан шартномага қўл қўйилганда бланкларнинг қиймати 2 баробарга қимматлаб кетар эди. Бундан ташқари, Марипов Тумонбаевни «Унаа»нинг директорлик лавозимидан ҳам олган.