Бишкекнинг Биринчи май туман суди тадбиркор Эркинбек Салимбековнинг эҳтиёт чорасини белгилади. Суднинг матбуот хизматини маълумотига қараганда, Салимбеков 2021-йилнинг 6-декабригача МХДҚнинг ТИЗОсига киритилди.
МХДҚ ҳамон изоҳ бергани йўқ.
Kaktus.media’нинг маълумотига кўра, у 12-октябрда қўлга олиниб, МХДҚнинг вақтинча сақлаш жойига киритилган. AKIpress маълумот агентлиги Салимбеков 13-октябрда қўлга олинганини ёзган.
«Дастлабки маълумотларга кўра, унга божхонадаги ноқонуний схемалар бўйича айб қўйилмоқда. Эркинбек Салимбековни нимада гумонланаётгани номаълум», — деб 24.kg ёзган.
МХДҚ Эркинбека Салимбековни қўлга олингани ҳақида изоҳ беришдан бош тортган.
Шу билан бирга тадбиркорнинг отаси Мамитбай Салимбеков журналистларга ўғли Эркинбекни қўлга олингани бўйича ҳеч нарса билмаслигини айтган.
«Билмайман. Ҳеч қандай маълумотим йўқ. Иккимиз бугун гаплашгандик», — деган у 14-октябрда Vesti.kg нашрига берган интервьюсида.
Салимбековларнинг оиласига ўлкадаги «Дордой» бозори ва бошқа бир қанча тармоқлардаги бизнеслар қарашли. Бу оиланинг юзи — Аскар Салимбеков. У «Эмгек» партиясининг асосчиси ва лидери.
Эркинбек Салимбеков эса Юстиция вазирлигининг маълумотига қараганда, бир қанча компанияларни, унинг орасида «Дордой Моторс МЧЖ»нинг асосчиси ва етакчиси.
«Эмгек» 2021-йилнинг ёзида Бишкек шаҳар кенгашига сайланган. Шаҳар кенгашининг 11 мандатига эга бўлган.
