Ўш: Ўқ отувчи қуролларни ноқонуний сақлаган турғун қўлга олинди

425
Сурат: Ўш ВИИБи

Ўш вилоятининг Новқат туман ИИБи томонидан олиб борилган тезкор ҳаракатлар натижасида 39 ёшдаги турғуннинг уйида ноқонуний сақланган бир дона найи кесиб ясалган ИЖ-18 қуроли ўқи билан топиб олинди. Бу ҳақда Ўш ВИИБи 21-сентябрда маълум қилди.

«Бундан ташқари, тинтув вақтида Калашников автоматининг 9, Макаров тўппончасининг 8 дона ўқи топилди», — деб ёзилади милициянинг маълумотида.

Мазкур факт бўйича «Қуролни, ўқ-дориларни ноқонуний айлантириш» моддаси билан судгача текширув бошланди. Ҳозирда қўлга олинган турғун сўроқ қилинмоқда.

Сурат: Ўш ВИИБи

Шу сабаб милиция ноқонуний сақланган ўқ отиш қуролларини, ўқ дориларни ва портловчи моддаларни ўз ихтиёри билан топширган фуқаролар жиноий жавобгарликдан озод қилинишини билдирди. Шу билан бирга қурол-яроғларни ўз хоҳиши билан топширган фуқароларга компенсация берилади.

*Қонунда ўқ отувчи қурол ва ўқ-дорини ноқонуний сақлашга 260 мингдан 300 минггача жарима тўлаш ёки 2 йил олти ойдан 5 йилгача озодликдан маҳрум қилиш жазоси кўрсатилган.

3-мартда Ўш шаҳрида «Калашников» автоматини сотишга ҳаракат қилган 45 ёшдаги турғун қўлга олинган. Бундан ташқари, ўтган йилнинг 18-ноябрида Ўш шаҳрида 23 ёшдаги турғуннинг машинасидан АК-103 русумидаги қурол ўқи билан, икки пичоқ ва гашиш олингани маълум қилинган.