Хитой Қирғизистонга ижтимоий-иқтисодий қўллов учун 100 млн доллар беради

345
Хитой ТИВ бошчиси Ван И ва Қирғизистон президенти Садир Жапаров Тожикистонда. Сурат: президентнинг матбуот хизмати.

Президентнинг матбуот хизмати Садир Жапаров 16-сентябрда ШҲТ ва ЖХШТ саммити ўтаётган Тожикистонда Хитой ТИВ бошчиси Ван И билан учрашганини билдирди.

Учрашувда улар Қирғизистон билан Хитой ўртасидаги муносабатларни ва савдо-иқтисодий ҳамкорликни ривожлантиришни муҳокама қилишди. Ван И Хитой Қирғизистонга ўлканинг ижтимоий-иқтисодий ривожланишини қўллаш учун 100 млн доллар беришга тайёрлигини билдирди.

У Хитой ҳукумати Қирғизистонга COVID-19га қарши курашиш учун яна 1 млн доза вакцина беришини қўшимча қилди.

Хитой Қирғизистонга маблағни фақат қайтаримсиз эмас, насия қатори ҳам беради. Миллий статистика қўмитасининг маълумотига қараганда, Қирғизистоннинг давлат қарзи 4,9 млрд сомни тузади. Бу сумманинг кўп қисми Хитойдан давлатидан бўлган қарз.

Хитойдан давлат қарзи масаласини президент Садир Жапаров ўзи ҳам қўзғаган. У 2021-йили мартда «Азаттык»қа интервью бериб, агар Қирғизистон Хитойнинг «Эксимбанк»га қарзни тўламаса, унда Хитой йирик инфраструктура лойиҳасини бошқаришини айтган. Улар — Бишкек ИЭМи, «Шимол-Жануб» муқобил йўли ва «Датка-Кемин» кўмакчи подстанциялари.

Жапаров Хитойнинг бошқарувига бошқа объектлар ўтиб кетиши мумкинлигини айтиб, бироқ қайси объектлар экани аниқ айтилмаган.

«Масалан, ТЭЦ, “Шимол—Жануб” йўли, “Датка-Кемин” […] Шуларга олганмизда [насияларни] буни бари. Агар вақтида тўлай олмасак, унда бошқарув ўша томонга [Хитой томонга] ўтиб кетади деб қўл қўйилган. Агар етмаса бошқасини олишга ҳам ҳақлари бор. Бироқ биз вақти билан тўлаяпмиз», — деган президент.