Миллий хавфсизлик давлат қўмитасининг матбуот хизмати МХДҚнинг собиқ раҳбари Абдил Сегизбаев ТИЗОдан муассасанинг касалхонасига ўтказилганини маълум қилди. Бироқ махсус хизмат касалхонага етказиш сабабини очиқламади.
«Асосийси унинг аҳволи яхши», — деб билдиришди МХДҚнинг маълумот марказидан.
Май ойида Сегизбаев икки томонлама пневмония билан касалхонада даволаниб чиққан эди.
Сегизбаев нима сабабдан ТИЗОда?
МХДҚнинг собиқ раҳбари Абдил Сегизбаев 25 январда «Лавозимни суиистеъмол қилиш» моддаси бўйича, Алмамбет Шикмаматов ва «бошқа одамларнинг» мурожаати асосида қамалган. Қўлга олиш 2016 йили шов-шув бўлган, «Белизгейт» деб номланган иш сабаб бўлган. Бироқ бу сиёсатчига қарши қўзғалган олти ишнинг бири.
2016 йили Сегизбаев МХДҚнинг раҳбари бўлган вақтда президент Алмазбек Атамбаевнинг Конституцияга тузатишлар киритиш ташаббусига қарши чиққан «Ата Мекен» партиясининг депутатлари Ўмурбек Текебаев, Аида Салянова ва Алмамбет Шикмаматов «Мегаком» алоқа операторининг акцияларига эгалик қилишган деб билдирган.
Сегизбаев далил қатори Белиз давлатидан олинган деган ҳужжатларни кўрсатган. Депутатлар ҳужжатларни «жуда қўпол қалбакилаштириш» деб атаб, Сегизбаевни судга ҳам беришган, бироқ ютқазишган.
Шу билан бирга уч депутатга нисбатан бошқа ишлар бўйича ҳукм чиққан. Сегизбаевнинг ўрнига МХДҚнинг раҳбари бўлиб Идрис Кадиркулов келгандан кейин Белиздаги ҳужжатлар махсус хизматга келмагани маълум бўлган.
Сегизбаевга ишларнинг қолгани МХДҚнинг ходимларига уй, номинал қурол, ер участкаларини ҳамда махсус хизматнинг айрим вакилларига бюджет ҳисобидан командировка бериш бўйича.
Сегизбаев ва унинг яқинлари барча айбларни рад этиб, буни «сиёсий ўч олиш» деб аташмоқда. Сегизбаев 10 январда муддатидан олдин ўтказилган президентлик сайловига қатнашиб, 17 номзод орасидан бешинчи ўринни эгаллаган ва сайловчиларнинг 1,46% овозига эга бўлган.
У президентлик сайлови вақтида рақиби, амалдаги президент Садир Жапаровни кескин танқид қилиб, уни қочқин президент Курманбек Бакиев билан «тиғиз алоқада» деб билдирган. Сегизбаев КТРКнинг жонли эфирида Максим Бакиев конларни қандай сотиб, пулларни қандай яширгани ҳақида айтиб берган.
