![](https://uz.kloop.asia/wp-content/uploads/sites/9/2021/09/241281001_4188035277978523_4032469929500345131_n.jpg)
Ўш халқаро аэропортидан Туркиянинг Истамбул шаҳрига тўғридан-тўғри авиарейс очилди. Бу ҳақда «Манас» халқаро аэропортининг матбуот хизмати 3-сентябрда билдирди.
«Ўш — Истамбул — Ўш» рейси 2021-йилнинг 1-октябридан ишга тушади. Йўловчиларни Pegasus турк авиакомпанияси манзилига етказади. Қатновлар душанба, чоршанба ва жума кунлари амалга оширилади. Парвоз давомийлиги 5 соат 30 дақиқани ташкил қилади.
Жорий йилнинг июнь ойида Туркиянинг президенти Режеп Тайип Эрдоган Қирғизистон давлат раҳбари Садир Жапаров билан учрашганда икки мамлакатни боғлаган авиарейслар сони кўпайишини билдирган эди.