МХДҚнинг чегара хизмати Баткен вилоятининг Баткен тумани Дахан ҳудудида ноқонуний юкни олиб кетаётган Hyundai-Porter русумидаги машинага ҳаводан огоҳлантирувчи ўқ отди. Сабаби бу машинанинг ҳайдовчиси чегара ходимларини кўргандан кейин қочишга ҳаракат қилган.
Бу ҳақда чегара хизмати 1-сентябрда маълум қилган. Машинани текшириш вақтида ундан қурилиш материаллари топилган. Шунингдек, ҳайдовчида юкнинг тегишли ҳужжатлари бўлмаган.
Бундан ташқари, чегара хизмати 31-августда мазкур туманнинг Ганжак қишлоғидан 3 650 кг узумни ноқонуний олиб кетаётган Тожикистоннинг Mercedes-Benz Sprinter машинасини ушлаган. Контрабанда юкининг умумий суммаси 660 000 сомни тузган.
Чегара хизмати бўйича материаллар тўпланиб, машиналарни, ҳайдовчилар ва ноқонуний юкни текшириш учун тегишли органга ўтказиб беришди.
Жорий йилнинг 13-июлида Баткен туманида халқ қўшини томонидан 4 тонна узум олиб кетаётган икки машина ушланган. Машинанинг ҳайдовчиси узум ўзиники эканини айтгани билан фаоллар ишонишмаган. Юк милицияга ўтказиб берилган.
