Иссиқкўл вилоятининг Қоракўл шаҳрида 43 ёшдаги турғуннинг ўлимига гумонланиб марҳумнинг қайнукаси қўлга олинди. Бу ҳақда Иссиқкўл ВИИБдан билдиришди.
Иссиқкўл ВИИБнинг матбуот котиби Сталбек Усубакунов «Клооп»га билдиришича, 21-июлда бўлган воқеа ҳақида маълумот милицияга вилоят касалхонасидан тушган.
«Иссиқкўл вилоят бирлашган касалхонасидан ёши тахминан 40-45 ёшдаги европа миллатидаги одам оғир тан жароҳати сабаб вафот этгани ҳақида Қоракўл ШИИБнинг навбатчилик хизматига билдирув тушган. Воқеа жойга тезкор гуруҳ борганда марҳум қотиллик қурбони бўлгани аниқланган», — деди Усубакунов.
Усубалиевнинг айтишича, тергов ишлари натижасида 22-июлда жиноятда гумондор қатори марҳумнинг 30 ёшдаги қайнукаси ушланган. У сўроқ вақтида айбини тан олган.
«Гумондорнинг айтишича, поччаси билан дўкондан спиртли ичимлик сотиб олиб ичишган. Қизиб олгандан кейин иккисининг ўртасида уруш чиқиб, у поччасини калтаклаб кетиб қолган», — деди матбуот котиби.
Мазкур факт ЖУРга «Қасддан баданга шикаст етказиш оқибатида эҳтиётсизлик сабаб одам ўлдириш» моддаси билан рўйхатга олинган. Ҳозирда судгача текширув ишлари бошланиб, тегишли экспертизалар тайинланди.
Гумонланувчига 24-июлда шаҳар суди томонидан қамоққа олиш қарори қабул қилинган. Тергов амаллари давом этмоқда.
Шундай воқеа 12-августда Чуй вилоятининг Москва тумани Петровка қишлоғида ҳам содир бўлган. Унда 30 ёшли турғун отасини ўлдириб, кейин милицияга ўзи бориб айбини тан олган.
Муаллиф: Дилде Шатанова
