Иқтисод ва молия вазири Акилбек Жапаров ҳукумат Хитойнинг Sinopharm вакцинасидан 1 млн 250 минг доза сотиб олишни режалаштираётганини билдирди. Унинг айтишича, давлат захирасидан бунинг учун 499 млн сом ажратилган.
Жапаров вакцинанинг бир дозаси қанча туришини айтмаган, унинг билдиришича, Хитой Қирғизистонга «алоҳида нарх» таклиф қилмоқда. У Қирғизистонга бунгача вакцинанинг 1,1 млн дозасини 815 млн сомга сотиб олганини билдирди. Демак, вакцинанинг бир дозаси учун Қирғизистон тахминан 8,8 доллар тўлайди.
Вазирлик ҳукумат Жаҳон банки билан ҳам сўзлашув олиб борганини қўшимча қилди. Унинг айтишича, Қирғизистонга коронавирус билан курашиш учун 17 млн долларлик маблағ келади.
«Бундан ташқари, октябрда Осиё банкидан 20 млн доллар келиши кутилмоқда. Ярми грант, ярми кредит. 37 млн долларга вакцина олиб, аҳолини эмламоқчимиз», — деди Жапаров.
Қирғизистондаги эмлов
Қирғизистон бўйича эмлов кампанияси 2021 йилнинг март ойи охирида бошланган. Бироқ аҳолини эмлашга ўлкага Sinopharm хитой вакцинасининг иккинчи партияси олиб келингандан кейингина, коронавируснинг учинчи тўлқини давом этаётган пайтда июль ойида бошланган.
Ҳозирда қирғизистонликларга вакцинанинг уч тури берилади: Хитойнинг Sinopharm, Россиянинг Sputnik V ва англо-швед AstraZeneca вакциналари.
Охиргиси Қирғизистонга 17 июлда Озарбайжондан гуманитар ёрдам сифатида келган. Препаратнинг 40 минг дозаси келди. Бироқ бу препарат билан эмлаш 22 июлда бошланган.
Соғлиқни сақлаш вазирлигининг маълумотига кўра, 22 июлга кўра ўлка бўйича 421 293 одам вакцина олди.
