Парламентнинг ижтимоий масалалар, билим бериш, фан ва маданият бўйича қўмитаси 21 июлда биринчи ўқишда депутат Улугбек Ормоновнинг қонун лойиҳасини маъқуллади. Қонун лойиҳаси турли тўй-маъракалар, никоҳ тўйлари ва оилавий маросимларни ўтказишни изга солади.
Ормонов ўз қонун лойиҳасини май ойида жамоатчилик муҳокамасига чиқарган эди.
Қонун лойиҳаси қуйидаги чекловларни таклиф қилади:
- оилавий маросимларни, ирим-сирим ва тадбирларни 100дан ошмаган одамларни чақириш ва 100дан ошмаган одам иштирокида ўтказиш;
- никоҳ тўйларини 200гача бўлган одамга банкет уюштириш билан бир кунда ўтказиш;
- фуқаролик ҳолатлари актларини рўйхатга олиш органларида никоҳ маросимини 3дан ортиқ бўлмаган енгил автомашинадан фойдаланиш билан ўтказиш;
- «Жанозага» (дафн маросимида дуо ўқиш) қариндошларнинг сони чекланмайди, бироқ мол ва йилқи сўйилмайди;
- Марҳумни дафн қилишга қатнашганларнинг сони 100дан ошмайди ва мол, йилқи сўйилмайди.
Бу чоралардан ташқари, қонунда зиёратчиларни кузатиш бўйича чекловларни киритиш ҳам таклиф қилинмоқда. Депутатлар зиёратчиларни кузатиш ва кутиб олишни оила атрофида ўтказишни таклиф қилмоқда. Зиёратчилик ҳолати бўйича, меҳмон кутиш кескин тақиқланади.
Қонунда тадбирларни ўтказиш вақти бўйича ҳам чеклов қаралган. Таклиф қилинаётган қонунга кўра, никоҳ, оила ва юбилейлик маросимларни, ирим-сиримларни дам олиш кунлари соат 8:00дан кечки 23:00гача, иш кунлари кечки соат 18:00дан кечки соат 22:00гача ўтказиш керак.
Аввалроқ қонунни бузиш учун жисмоний шахсларга 17 500 сом, юридик шахслар учун 55 минг сом жарима солиш кўрсатилгани айтилган. Бироқ қўмита йиғини вақтида Ормонов жисмоний шахслар учун жарима 35 минг сомни, юридик шахслар учун 100 минг сомни тузишини билдирди.
Қонун лойиҳасининг муҳокамаси вақтида маданият вазирининг ўринбосари Салтанат Аманова катта қора мол сўйиш тақиқи тадбирларда майда ҳайвон сўйишга олиб боришини айтди. Шунингдек у Ормоновнинг қонунини фуқароларнинг кўпи кутган деб ҳисоблайди.
«Биз таъзияни чой ва дастурхон тайёрламасдан, умуман мол сўймай ўтказишни таклиф қиляпмиз. Унда қўй сўя бошлашади, айримларни бунга ҳам имкони йўқ. Ёки бирдан ортиқ қўй сўйилмаслиги керак деб ёзиб қўйиш керакдир», — деди Аманова.
Тадбирларни ўтказишни тақиқлаган шундай қонун лойиҳасини депутатлар аввал ҳам таклиф қилишган. 2014 йили депутат Канибек Осмоналиев шундай ташаббусни кўтарган. У никоҳ тўйларга қатнашганларнинг сонини 200 одам билан чеклашни таклиф қилган.
Осмоналиев ҳам бу қонун харажатларни камайтириб, мазкур тадбирларни «халққа қулай» қилишга, бундан ташқари оилада камбағалликни камайтиришга ёрдам бўлади деб айтган эди. Депутатнинг ташаббуси шу бўйича қолиб кетган. Бироқ 2016 йил тўй-маросим ва никоҳ тўйларда чеклов киритиш ташаббуси қайта кўтарилган.
Бироқ унда лойиҳа давлат ва муниципал ходимларга тегишли бўлган. Қонунда никоҳ тўйларига 150дан ортиқ киши чақиришга ва бешдан ортиқ енгил машинадан фойдаланиш тақиқланган. Бу қонун лойиҳаси ҳам унутилган.
