Марказий сайлов комиссиясининг янги таркиби Нуржан Шайлдабековани қайтадан комиссиянинг раиси қилиб тайинлади. У МСКни 2016-йилдан бошлаб бошқаради.
Бундан ташқари, МСК раисининг биринчи ўринбосари бўлиб «Онугуу-Прогресс» партиясининг депутати Тинчтикбек Шайназаров, ўринбосари бўлиб «Мекенчил» партиясидан номзод бўлган Судьялар кенгаши ҳузуридаги дисциплинар комиссиясининг аъзоси Нурлан Койчукеев сайланди.
Жогорку Кенешнинг депутатлари 30-июндаги йиғинида Марказий сайлов комиссиясининг янги таркибини маъқуллаган. Депутатлар тегишли қарорни ёпиқ овоз бериш билан қабул қилган.
Президент Садир Жапаров 28-июнда имзолаган «Қирғиз Республикасининг сайлов ва референдум ўтказиш бўйича марказий комиссияси ҳақидаги» янги конституциявий қонунига кўра, МСКнинг олти аъзосини президент, яна олти аъзосини парламент таклиф қилди.
