Ўш ШИИБи Алтинбек Зайнидиновнинг «Датка» чойхонасида «домкомлар билан квартал бошчиларига тушлик ташкил қилган» деган маълумот бўйича ишни қисқартирди.
Шаҳар милициясининг матбуот котиби Абсаттар Тавакаловнинг айтишича, мазкур маълумот қисқартирилган эмас.
Зайнидинов ЎшДУнинг маъмурий-хўжалик департаментининг етакчиси. У 11-июлда бўладиган сайловга «Ата-Журт Кыргызстан» партиясининг рўйхатида 19 рақамда қатнашмоқда. У натижаси бекор қилинган апрелдаги сайловда ҳам мазкур партиядан номзод бўлган.
Домкомлар билан квартал бошчиларини чойхонадан чиқаётганига «Азаттык» радиосининг мухбирлари Маратбек Акимбек ўғли ва Дастан Умўтбай ўғли гувоҳ бўлиб, МСКга ва милицияга хабар беришган.
Акимбек ўғлининг айтишича, уларни чой уюштирилган кабинкага киритишмаган. Журналистларга кейинчалик ўз манбалари уларнинг орасида Алтинбек Зайнидинов бўлганини маълум қилишган.
«Кабинага киритишмади. Домкомларни таниб қолдик. Кейин аниқласак икки квартал кабинетнинг бошчилари ҳам юрибди. Уларни видеога олганмиз. Шунда биримиз милицияга, биримиз МСКга қўнғироқ қилдик. Кейин ариза ёздик. 23-июнда маълумот аниқланмади деб айтишди», — деб тушунтирди Акимбек ўғли.
Журналистлар терговчилар маълумотни «яхши» аниқламади деган фикрда. Сабаби домкомларнинг бири унинг туғилган куни эканини айтиб, йиғилишганини билдирган. Бироқ сўроқда бу маълумот ёлғон бўлиб чиқди. Бундан ташқари, чойхонадаги видео кузатув камерадаги ёзувлар ҳам эамоатчиликка эълон қилинмаган.
«Биз қочиб чиқиб кетаётган аёлларнинг биридан сўраганимизда у шошиб, “мен агитаторман” деди. Қайси партиянинг агитатори эканини сўраганимизда бошқа аёллар машинага солиб кетишди. Бизга маълумот бераётган киши уларнинг орасида бўлган деб ўйлаяпмиз. Агар видеоларни олиб қараганда ҳаммаси аниқ кўринарди», — деди Акимбек ўғли.
Бунгача МСКнинг тезкор чора кўриш гуруҳига Марат Акимбек ўғлидан маълумот тушганини хабар қилган. Унда ариза эгаси Ўш шаҳридаги Фрунзе кўчасидаги «Датка» чойхонасида «Алтинбек Зайнидинов уй ва квартал бошчиларига тушлик уюштирганини» билдирган.
Зайнидинов бундай усул билан мазкур ҳудуддаги яшовчиларга таъсир қилиш билан қайта сайлов олдидан ва сайлов куни айрим партияларнинг фойдасига қўллов топгиси келган деб айбланган. МСКдан мазкур маълумотни аниқлаш учун ИИВга маълумот берилганини таъкидлашган.
Давлат ходимларини тўплаган «Ата-Журт Кыргызстан»
Июннинг бошида президент Садир Жапаров Ўш шаҳрининг мэри Таалайбек Сарибашовни қабул қилиб, маъмурий ресурсдан фойдаланмаслик ҳақида огоҳлантирган. МСКнинг раисаси Нуржан Шайлдабекова 14-июнда Ўшда ўтган йиғинда милициянинг ишини «самарали эмас» деб танқид қилган.
Сабаби ўтган сайловда олти партия «Ата-Журт Кыргызстан» партиясини маъмурий ресурсдан фойдаланишга ва овоз сотиб олишга айблаган — партиянинг таркибидан 42% фоизи давлат ходимларидан иборат.
Уч шаҳар кенгаши депутатларини қайта сайлаш 11-июлга белгиланиб, унга 48,3 млн сом сарфланади деб ражалаштирилган. 20-июнда уч шаҳар кенгашига сайлов жараёни бошланди.
