Давлат божхона хизмати Gergert Sport дўкони томонидан давлатга зарар келтириш иши бўйича янги фактларни очиқлади.
Уларнинг маълумотига кўра, божхона хизмати қўшимча ҳужжатларни кўриб чиқиб, товарлар Қирғизистоннинг ҳудудида декларацияланмаганини аниқлаган.
«Gergert Sport спорт дўконларига товарларни сотувчи ТEИ қатнашчиларининг вакили айтишича, европалик логистика компанияларнинг ишига бўлган қора нияти ва хатолари сабаб товар қўшимча ҳужжатларида нотўғри маълумотлар кўрсатилган. Шу билан бирга экспорт ҳужжатларида кўрсатилган товарлар олиб келинган ва савдо марказларида ноқонуний сотилган», — деб билдирган божхона хизмати.
Натижада божхона хизмати ҳисоблаб, давлатга 8 млн 559 минг сом миқдорида зарар келтирганини аниқлаган. Ишнинг материаллари бунгача қўзғалган судгача текширувга тўлиқлаш учун ИИВга ўтказиб берилган.
2021 йилнинг март ойида Gergert Sport спорт товарлар дўкони давлатга 21 млн сом зарар келтиргани маълум бўлган. Бу ҳақда ўша вақтдаги Иқтисодий жиноятларга қарши курашиш хизматининг (*финпол) тергов бошқармасининг бошчиси Кубаничбек Рисбаев маълум қилган.
*Финпол 2021 йилнинг март ойида министрлар кабинетининг раиси Улукбек Мариповнинг қарори билан тарқатилган. Унда муассаса «талабдагидай ишламаган» деган сабаб айтилган.
Рисбаевнинг айтишича, Gergert Sport дўконининг номига товарлар Европадан сотиб олинган. Бироқ йўлда божхона декларациялари алмаштирилиб, товарларнинг номи ва нархлари ўзгартириб турилган.
Товарлар Қирғизистонга Айдай Таласбекованинг номидаги божхона декларациялари билан киритилиб, «болдирни ёпувчи турли оёқ кийимлар» деган ном билан кўрсатилган.
Рисбаев тушунтиришича, товарларнинг нархларини яшириш орқали божхона тўловларини ҳам яширса бўлади. бундан ташқари, у 2015-2019 –йиллар оралиғида Таласбекова «солиқ хизматига бир тийин тўламаганини» қўшимча қилган.
