Ўш шаҳрида қуръа ташлаш 21 июнга режалаштирилган эди. Бироқ олти партиянинг 18 номзодни сайловдан четлатиш бўйича аризасини ҲСК қаноатлантирмагани сабаб эртаси кунига жилган.
Ўш ҳудудий сайлов комиссиясининг раиси Кушубек Ниязбеков «Клооп»га қуръанинг натижасини юборди. Қайта сайловга умумий тўққиз партия қатнашмоқда.
«Ынтымак» — 1, «Улуу-Журт» — 2 , «Биздин Кыргызстан» — 3, «Улуттар Биримдиги» — 4, «Келечек-Будущее» — 5, «Бүтүн Кыргызстан» — 6, «Ата-Журт Кыргызстан» — 7, «Бир Бол» — 8, «Нур» — 9 рақамлар билан сайловга қатнашади.
21 июнда ҲСК тўққиз партияни қуръа ташлаш учун тўплаган. Бироқ «Улуу Журт», «Биздин Кыргызстан», «Улуттар Биримдиги», «Келечек-Будущее» ва «Бутун Кыргызстан» партиялари қатнашишдан бош тортишган. Сабаби улар ҲСКга 11 апрелда ўтган сайловда «қонун бузди» деб рўйхатини берган 18 номзод сайловдан четлатилган эмас.
ҲСК раиси «Клооп»га мазкур номзодларни рўйхатдан олиш учун уларнинг қўлида суд қарори ёки уларга қарши иш қўзғалгани ҳақида маълумотнома йўқ бўлгани учун ариза қаноатлантирилмаганини айтди.
18 номзодни сайловда қонун бузган-бузмагани бўйича маълумот олиш учун Ўш ШИИБига, шаҳар прокуратурага ва МХДҚга расмий хат юборилганини қўшимча қилди. Унинг айтишича, уларни қонун бузгани тасдиқланса, ташвиқот вақтида сайловдан четлатилаверади.
Бироқ «Улуу Журт» партиясининг лидери Мирлан Орозбаев ва «Бутун Кыргызстан» партиясининг Ўш шаҳри ва вилояти бўйича вакили Замир Шамшидин ўғли 18 номзод бўйича ёзилган ариза МСКга, Ўш шаҳар судига ва ҳуқуқни ҳимоя қилиш органларига юборилганини билдиришди. Мазкур партиялар 11 апрелдаги сайловни бекор қилинишига сақлов вақтида қонун бузганлар жазоланиши керак деб ҳисоблашади.
Бунгача Ўш ҲСКдан 76 номзод рўйхатдан чиқарилганини, уларнинг орасидан 14и сайловда қонун бузганини билдиришган. Кейинчалик 14 номзоднинг 10и яна рўйхатга қўшилгани маълум бўлди. ҲСКдан бу қарорни уларга нисбатан очилган ишлар далил йўқлиги учун қисқаргани билан боғлашди.
Бунгача МСК Бишкек, Ўш ва Тоқмоқ шаҳар кенгашига 11 апрелда ўтган сайловнинг натижасини бекор қилган. Бу қарорга мазкур шаҳарлардаги участкаларда сайловчилар оммавий рўйхатга олиш, овоз сотиб олиш, маъмурий ресурсдан фойдаланиш ва қонун бузишлар оммавий сифатга эга бўлгани сабаб бўлган.
Уч шаҳар кенгашининг депутатларини қайта сайлаш 11 июлга белгиланиб, унга 48,3 млн сом сарфланади деб режалаштирилмоқда. 20 июнда уч шаҳар кенгашига сайлов жараёни бошланди.
