Покистон Қирғизистонга икки шаҳарда денгиз портларини фойдаланишга беришга тайёр

216

Қирғизистоннинг ташқи ишлар вазири Руслан Казакбаев 18-июнда Покистоннинг ТИВ раҳбари Макмуд Шах Махмуд Хуссейн Куреши билан учрашди. Бу ҳақда қирғиз ТИВнинг матбуот хизмати билдирди.

Учрашув Туркиядаги Анталия дипломатия форуми вақтида бўлди. Унда икки мамлакат ўртасидаги икки томонлама ҳамкорлик муҳокама қилинди.

Казакбаев Покистонга 2021-йили навбатдаги ҳукуматлар аро комиссиянинг йиғинини ўтказиш таклифини берди. Бундан ташқари, Покистон томон Қирғизистоннинг ОЎЮларини қора рўйхатдан чиқаради деб умид қилишини билдирди.

Вазир БМТнинг инсон ҳуқуқлари бўйича кенгашига Қирғизистоннинг номзодини қўллашни ҳам сўради. Куреши жавоб тарзида Казакбаевни расмий сафар билан Исломободга келишга чақирди. У Покистон Қирғизистонга Карачи ва Гвадаре шаҳарларидаги денгиз портларидан фойдаланишга рухсат беришга тайёрлигини билдирди.

Куреши «Транзит транспорт бўйича Покистон — Хитой — Қирғизистон — Қозоғистон тўрт томонлама келишувни» жонлантириш кераклигини ҳам қўшимча қилди.

«Шу йилдаги халқаро коалиция ҳарбийларини Афғонистондан тўлиқ чиқиши сабаб томонлар эътиборни терроризмга, гиёҳванд моддалар сотишга қарши биргаликдаги ҳаракатлар ва минтақадаги хавфсизликни мустаҳкамлаш масалаларига қаратишди», — деб билдиришди ТИВдан.