COVID-19: Коронавируснинг янги 526 ҳолати қайд тилди, 7 киши вафот этди

11 июнда коронавируснинг янги 526 ҳолати аниқланди. Уларнинг орасида лаборатория тасдиқлагани — 488, клиника-эпидемиологик тасдиқлангани — 38. Бу ҳақда республика штабдан маълум қилишди.

Ҳудудлар бўйича кўрсаткич:

  • Бишкек шаҳрида — 232;
  • Чуй вилоятида — 43;
  • Иссиқкўл вилоятида — 25;
  • Ўш шаҳрида — 101;
  • Ўш вилоятида — 63;
  • Жалолобод вилоятида — 31;
  • Талас вилоятида — 5;
  • Баткен вилоятида — 17;
  • Норин вилоятида — 6.

Қирғизистонда COVID-19га чалинган беморларнинг умумий сони 109 193га етди.

Бир суткада 303 бемор коронавирусдан соғайиб, уйларига чиқарилди. Бишкек шаҳрида — 176, Чуй вилоятида — 46, Ўш шаҳрида — 22, Ўш вилоятида — 13, Талас вилояти — 3, Иссиқкўл вилоятида — 23, Жалолобод вилоятида — 8, Баткен вилоятида — 3, Норин вилоятида — 9 бемор соғайди.

Бу билан ўлка бўйича 102 018 киши касалликдан соғайди. Касалхоналарда 1 921 бемор даволанмоқда. Уларнинг орасидан 568 киши оғир, 81 бемор ўта оғир аҳволда. Уй шароитида 2 080 киши даволанмоқда.

Сутка давомида ўтказилган ПЧР таҳлилларининг сони — 5 952.

Бундан ташқари, охирги суткада Бишкек шаҳрида — олти, Чуй вилоятида — бир COVID-19 юқтирган бемор вафот этди. Қирғизистонда касалликдан 1876 киши ўлган.

Шунингдек бир кеча-кундузда 20 тиббиёт ходимида коронавирус аниқлангани хабар қилинди. Бишкек шаҳрида — 7, Чуй ва Жалолобод вилоятларида — иккитадан, Ўш шаҳрида — саккиз, Ўш вилоятида — бир ходим COVID-19га чалинган. Коронавирус юқтирган тиббиёт ходимларининг умумий сони 4 834га етди, улардан 4 662 ходим касалликдан соғайди.