Республика штаби 5-июнда ўлкада коронавируснинг 413 янги ҳолати аниқланганини маълум қилди. Касаллик юқтирганлар орасида 11 тиббиёт ходими бор.
Ҳудудлар бўйича:
- Бишкек шаҳрида — 157 (икки тиббиёт ходими);
- Чуй вилоятида — 98 (тўрт ходим);
- Ўш шаҳрида — 51 (бир ходим);
- Ўш вилоятида — 41;
- Иссиқкўл вилоятида — 24 (икки тиббиёт ходими);
- Жалолобод вилоятида — 24 (бир тиббиёт ходими);
- Баткен вилоятида — 8 (бир ходим);
- Норин вилоятида — 6;
- Талас вилоятида — 4.
Шунингдек ўтган суткада 320 бемор соғайди. Бишкек шаҳрида — 164, Чуй вилоятида — 96, Жалолобод вилоятида ва Ўш шаҳрида 18дан, Иссиқкўл вилоятида тўққиз, Ўш ва Талас вилоятларида олтитадан, Норин вилоятида уч киши касалликдан соғайди.
Бундан ташқари, COVID-19дан Бишкек шаҳрида тўрт, Чуй вилоятида бир бемор вафот этди.
Қирғизистонда COVID-19 инфекциясини юқтирганларнинг умумий сони 106 636га етди. Касалликдан 100 114 бемор соғайиб, 1 842 киши ўлди.
Бугунги кунда 1 733 бемор касалхоналарда даволанмоқда — уларнинг 102си ўта оғир аҳволда. Бундан ташқари 1 915 киши уй шароитида даволанмоқда.
