Республика штаб 2-июнда ўлкада коронавируснинг 358 янги ҳолати аниқланганини маълум қилди. Касаллик юқтирганлар орасида 21 тиббиёт ходими бор.
Ҳудудлар бўйича:
- Бишкек шаҳрида — 163 (тўрт тиббиёт ходими);
- Чуй вилоятида — 64 (икки ходим);
- Ўш шаҳрида — 64 (13 ходим);
- Иссиқкўл вилоятида — 20;
- Ўш вилоятида — 19 (икки ходим);
- Жалолобод вилоятида — 18;
- Баткен вилоятида — 5;
- Норин вилоятида — 3;
- Талас вилоятида — 2.
Шунингдек, ўтган суткада 302 бемор соғайди. Бишкек шаҳрида — 204, Чуй вилоятида — 35, Иссиқкўл вилоятида — 18, Жалолобод вилоятида — 12, Ўш шаҳрида — 11, Ўш вилоятида саккиз, Норин вилоятида олти, Талас вилоятида беш ва Баткен вилоятида уч киши касалликдан соғайди.
Бундан ташқари, COVID-19дан Бишкек шаҳрида тўрт, Талас ва Иссиқкўл вилоятларида биттадан бемор вафот этди.
Қирғизистонда COVID-19 инфекциясини юқтирганларнинг умумий сони 105 469га етди. Касалликдан 99 175 бемор соғайиб, 1 821 киши ўлган.
Бугунги кунда 1 660 бемор касалхоналарда даволанмоқда — уларнинг 94 ўта оғир аҳволда. Бундан ташқари, 1 782 киши уй шароитида даволанмоқда.
