31-майда коронавируснинг янги 174 ҳолати аниқланди. Унинг ичида лаборатория тасдиқлагани — 156, клинико-эпидемиология тасдиқлагани — 18. Бу ҳақда республика штабдан маълум қилишди.
Ҳудудлар бўйича кўрсаткич:
- Бишкек шаҳрида — 95;
- Чуй вилоятида — 7;
- Иссиқкўл вилоятида — 15;
- Ўш шаҳрида — 26;
- Жалолобод вилоятида — 17;
- Талас вилоятида — 5;
- Баткен вилоятида — 5;
- Норин вилоятида — 4.
Қирғизистонда COVID-19га чалинган беморларнинг умумий сони 104 729га етди.
Бир суткада 244 бемор коронавирусдан соғайиб, уйларига чиқарилди. Бишкек шаҳрида — 159, Чуй вилоятида — 25, Ўш шаҳрида — 12, Ўш ва Талас вилоятларида — олтитадан, Иссиқкўл вилоятида — 12, Жалолобод вилоятида — 17, Норин вилоятида — 7 бемор соғайди.
Бу билан ўлка бўйича 98 544 киши касалликдан соғайди. Касалхоналарда 1 696 бемор даволанмоқда. Улардан 446 киши оғир, 94 бемор ўта оғир аҳволда. Уй шароитида эса 1 653 киши даволанмоқда.
Охирги бир кеча-кундузда ўтказилган ПЧР таҳлилларининг сони — 4 549.
Бундан ташқари, бир суткада Бишкек шаҳрида — тўрт, Иссиқкўлда — бир COVID-19 юқтирган бемор вафот этди. Қирғизистонда касалликдан 1 808 киши ўлди.
Шунингдек, 11 тиббиёт ходими коронавирусга чалингани маълум қилинди. Бишкек ва Ўш шаҳарларида — тўрттадан, Жалолобод, Талас, Баткен вилоятиларида — биттадан ходимда касаллик аниқланди. Умумий коронавирус юқтирган тиббиёт ходимларининг сони 4 663га етди, улардан 4 577 тиббиёт ходими соғайди.
