АҚШнинг элчиси Доналд Лунинг Қирғизистондаги дипломатик миссияси тугади. Бу ҳақда ташқи ишлар вазирлигининг матбуот хизмати билдирди.
Муассаса 15 майда ТИВ раҳбари Руслан Казакбаев Доналд Лу билан учрашиб, АҚШ билан Қирғизистон ўртасида сўнгги йиллар давомидаги ўзаро ҳамкорликнинг натижаси чиқарилганини таъкидлади. Томонлар ҳамкорликнинг перспектив йўналишларини, кейин икки томонлама алоқаларнинг графигини ҳам муҳокама қилишди.
«Томонлар минтақадаги хавфсизлик, томонларнинг ҳуқуқни муҳофаза қилиш органлари ўртасидаги ҳамкорлигини мустаҳкамлаш масалаларига ҳам тўхталишди», — деб таъкидлашди ТИВдан.
Бунгача АҚШ президенти Жо Байден Доналд Лунинг номзодини АҚШнинг жанубий ва Марказий Осиё бўйича давлат котиби лавозимига кўрсатган.
Доналд Лу ким?
Доналд Лу АҚшнинг Қирғизистондаги элчиси бўлиб 2018 йилнинг 18 сентябрида тайинланган. У Қирғизистоннинг сиёсий ҳаётига фаол аралашиб, коррупцияни йўқ қилиш, УЖГ билан курашиш ҳақида тез-
тез айтиб келган.
Элчи уюшган жиноятчилик, Райимбек Матраимов билан Камчибек Кўлбаевнинг қўлга олиниши ҳақида ҳам айтган. У ҳукуматнинг уюшган жиноятчиликка қарши курашиш бўйича ҳаракатларини «етарли эмас» деб атаган.
Шунингдек, элчи криминал Камчи Кўлбаев билан Матраимовни қўлга олинишини «Голивуднинг мафия ҳақидаги киносига ўхшатиб», бироқ бу курашнинг «бошланиши бўлиши керак» деб билдирган.
У 14 майда «Азаттык»қа интервью бериб, «Кўлбаев ва Матраимов каби уюшган жиноий гуруҳнинг лидерларини жавобгарликка тортиш учун бизнинг ҳукуматлар тиғиз иш олиб бориши керак ” деб айтган.
Шунингдек, Лу, «Қирғизистондаги революциялар чет эл кучларининг ўйлаб топган ўйини эмас» деб билдирган.
«Улар Вашингтонни, Москва ёки Пекиннинг қилган ҳаракатларидан келиб чиқмаган. Улар қирғиз халқининг коррупция, нотўғри бошқариш ва чексиз ҳукумат хуморидан безор бўлганининг реакцияси бўлган», — деб ҳисоблайди.
У бу революциялар қирғиз президентларига эртами-кечки халқ олдида жавоб беришини эсдан чиқармаслиги керак деб ҳисоблайди.
