Айзада Канатбековани ўғирлаганлардан бири қўлга олинди, қолган икки нафарининг шахси аниқланди

276
Қўлга олинган гумондорларнинг бири. Сурат: Бишкек ШИИБи

27 ёшдаги Айзада Канатбековани ўғирлашда қатнашганларнинг бири ушланди. Бишкек шаҳар ички ишлар бошқармаси маълум қилишича, 28 ёшдаги гумондор 7 апрелда вақтинча сақлаш жойига киритилди. Милиция қолган икки гумондорнинг ҳам шахси аниқланганини маълум қилиб, қидирув ҳаракатлари давом этаётганини билдиришди.

Айзада қачон ва қандай ўғирланган?

Бишкекнинг Биринчи май туман ички ишлар бошқармасига 5 апрелда Айзада Канатбекованинг онаси ариза билан мурожаат қилган. Унда 27 ёшдаги қизини Медеров ва Тинистанов кўчаларининг кесилишида номаълум кишилар мажбурлаб оила қуриш учун «Хонда Сивик» машинасида ўғирлаб кетишганини ёзган. Она ўғирлаганларни топиб, чора кўришни талаб қилган.

Мазкур факт ЖУРга рўйхатга олиниб, «Одамни оила қуриш мақсадида ўғирлаш» моддаси билан судгача текширув иши очилган. Машина бўйича маълумот ҳудудий бўлимларга ва ички ишлар органларининг бўлимларига юборилган.

Воқеа видео кузатув камерага тушиб қолган. Унда қизнинг ёнига номаълум киши келади, кейин яна икки одам қўшилиб уни мажбурлаб Honda русумидаги машинага солишади. Иккиси машинага ўтиради, қолган бири такси хизматининг чашкаси бор машинага ўтириб кетишади.

Қизнинг акаси 24.kg нашрига синглиси охирги марта алоқага 18:00да чиққанини, кейин алоқа узилганини маълум қилган. Бунгача унинг ҳаловатини 30 ёшли одам олганини билдирган.

Милиционерлар уни қандай излаган?

Қидирув ҳаракатлари натижасида машинанинг эгаси топилган. У Қораболта шаҳрининг турғуни бўлган. Бироқ у машинани бошқа одамга ижарага берганини айтган. Ижарага олган киши машинани акаси олиб киракашлик қилаётганини маълум қилган. Айзада Канатбековани мана шу киши бошқа фуқаролар билан бирга ўғирлагани аниқланган.

Ўша куни милиция томонидан «Хонда Сивик» машинаси «Ак-Орго” участкасида ғарб томон ҳаракатланаётгани ҳақида маълумот олинган. Сосновка қишлоғига қўшимча милиция ходимлари қўйилиб, гумондорлар Чуй вилояти ва Бишкек шаҳри бўйича қидирила бошлаган.

5 апрель куни кечки соат 19:00 атрофида онаси қизи билан сўзлашгани маълум бўлган. Унда Канатбекова онасини тинчлантириб, уйга қайтишини айтган. Бироқ қизи келмаган. Канатбекованинг телефони онаси билан гаплашгандан кейин ўчирилган.

Маълумотга кўра, Канатбекова уни ўғирлаган киши бундан тўрт ой олдин танишган. Гувоҳларнинг айтишича, марҳум танишларига Канатбекова ҳақида кўп айтган ва унга уйланишни режалаштирган.

Милициядан қизни қидириш ишлари «бир дақиқа ҳам тўхтамаган» деб ишонтиришди.

Айзаданинг жасади қандай топилди?

Бишкек ШИИБдан Айзада Канатбекованинг жасади Аламудун туманидаги даладан топилганини билдиришди. Дастлабки маълумотлар бўйича уни ўғирлашда гумон қилинган киши билан қизнинг ўртасида жанжал бўлиб, гумондор Канатбековани бўғиб кейин ўзига пичоқ уриб ўлган.

Аламудун ТИИБига 7 апрелда Арашан ва Чокморов қишлоқларига яқин жойдаги даладан автомашина топилгани, унинг ичида аёл ва эркак кишининг жасади борлиги ҳақида маълумот тушган.

Воқеа бўлган жойга милиционерлар бориб, Honda Civic русумидаги машинани ва Канатбекова билан 30 ёшдаги одамнинг жасадини топишган.

«Маҳаллий чўпон бу машинани 5-6 апрелда кўрганини айтди, бироқ ботқоққа тиқилиб қолган деб ўйлаб, эътибор бермаган. 7 апрелда машинага яқин борганда аёлнинг ва эркак кишининг жасадини кўриб, зудлик билан милицияга хабар берган», — деб билдиришди Бишкек ШИИБдан.