Миллий хавфсизлик давлат қўмитаси 23 мартда «Кадастр» давлат муассасасининг Чуй вилоятининг Соқулуқ туманидаги филиалининг мансабдор шахсларини қўлга олди.
Гумондорлар — «Кадастр» филиали раҳбарининг ўринбосари ва ҳуқуқларни рўйхатга олиш бўйича бош мутахассис. Улар «Лавозимни суиистеъмол қилиш» моддаси билан очилган судгача бўлган текширув асосида қўлга олинди.
«Бу одамлар ер участкасининг аввалги ҳужжатларини атайлаб қалбакилаштириб, уни жисмоний шахсларга қайтадан рўйхатга қўйиш учун майдонини 1,7 гектарга кўпайтиришга аниқланди», — деб берилади МХДҚнинг билдирувида.
Махсус хизмат гумондорларнинг ҳаракати натижасида давлатга 17 млн сом зарар келтирилганини қўшимча қилди. Ҳозирда қўлга олинганлар МХДҚнинг вақтинча сақлаш жойига киритилди.
12 февралда МХДҚ шу модда билан «Кадастр» давлат ишхонасининг Соқулуқ филиалининг директори Алайбек Тентимишов ва етакчи мутахассисни ушлаган. Улар хусусий компаниянинг директорига ер участкасини ўтказиб бериш учун давлат актини ноқонуний тайёрлашда гумон қилинмоқда.
Бундан ташқари, гумондорлар бошқа 11 жиноий ишнинг фигуранти бўлмоқда.
