«100 млн сом тўлаб берадиган бўлди». Бабановнинг жиноят ишлари тўхтатилди

325
Собиқ премьер-министр Ўмурбек Бабанов

Собиқ премьер-министр Ўмурбек Бабановга нисбатан судгача текширув ишлари тўхтатилди. Бу ҳақда Миллий хавфсизлик давлат хизмати 24 мартда маълум қилди.

«Бунга қадар Бабановга ва у алоқадор бўлган тижорий структураларга қарши прокуратура ва тергов хизмати томонидан қўзғалган жиноий ишни текширишда давлат манфаатига ва фуқароларга зарар келтирган фактлар тасдиқланмагани сабаб текширув қисқартирилди», — деб ёзилади МХДҚнинг маълумотида.

Бундан ташқари, Бабанов билан ўтказилган сўзлашувлар натижасида собиқ премьер-министр давлат бюджетига ўз истаги билан ёрдам тарзида 100 млн сом ўтказиши таъкидланган.

Ўмурбек Бабанов

Собиқ депутат, премьер-министр ва президентликка номзод Ўмурбек Бабановга 2017 йили президентлик сайлови вақтида икки жиноий иш қўзғалган. Сайловда ҳукумат номзоди Сооронбай Жээнбеков ғолиб бўлгандан кейин Бабанов давлатдан чиқиб кетган. Шундан сўнг сиёсатдан кетганини маълум қилган.

Кейинчалик қайтиб келиб, Атамбаев билан Жээнбеков томонидан оиласига нисбатан таҳдид бўлгани сабаб давлатдан чиқиб кетишга мажбур бўлганини айтган. Сиёсатчининг айтишича, Қирғизистондан чиқиб кетадиган бўлса, иш қисқартирилади деган шарт қўйилган. Бабанов 2017 йилдан Москвада яшаб, икки йилдан кейин сиёсатга қайтиб келмайман деган ваъдасидан сўнг қайтиб келган.

Бабанов 2019 йили 29 августдаги сўроқдан кейин МХДҚ билан молия полицияси саккиз жиноий иш бўйича сўроқ қилинаётганини билдирган. Уларнинг орасидан тўрттаси бўйича финполда, қолганлари бўйича МХДҚда кўрсатма бергани маълум қилинган. Бироқ финполдан жиноий ишларини аниқ сонини айтишдан бош тортишган.

Бабанов 2020 йилнинг октябрь ойида сиёсатга аралашишга ҳаракат қилиб, премьер-министрлик хизматига келишга интилган. Бироқ 9 октябрда Садир Жапаровнинг тарафдорлари билан бўлган тўқнашувдан кейин ортга чекинган. Шундан кейин Бабанов премьер-министрлик хизматига келган Садир Жапаровнинг номзодини қўллаган. Сиёсатчининг «Республика» партиясидаги аъзоси Руслан Казакбаев министрлар кабинетининг янги таркибига Ташқи ишлар вазири қатори кирган.

Иқтисодий жиноятларга қарши курашиш хизмати (Молия полицияси) шу йилнинг 5 мартида тарқатилган тегишли буйруққа премьер-министр Улукбек Марипов қўл қўйиб, мазкур хизмат талабдагидай ишламаганини айтган.