Депутат Наталя Никитенко 16 мартда ИИВ раҳбари Уланбек Ниязовга ва бош прокурор Курманкулов Зулушевга фуқаровий фаолларга нисбатан бўлаётган босим бўйича хат билан мурожаат қилганини билдирди. Никитенко бу фактлар бўйича тўлиқ маълумот беришни сўради.
Никитенко фаол Тилекмат Куроновни қўлга олиш ва милиция ходимлари томонидан юрист Сания Токтогазиева ҳақида маълумот йиғиш ва ноқонуний таъқиб Конституцияга қарши бўлишини таъкидлади. У фикр билдириш эркинлиги дахлсиз эканини ҳам қўшимча қилди.
Депутатнинг фикрича, фаолларга нисбатан ҳукумат томондан бўлаётган босим Қирғизистонда демократиянинг барқарорлигига хавф солади.
«Инсон ҳуқуқларини, фуқароларнинг эркинликларини бузишга ҳеч қачон йўл берилмаслиги керак деб ҳисоблайман», — деб Никитенко билдирди.
Унинг айтишича, президент Садир Жапаров оммага айтган сўзларида* ўлкада фуқароларга нисбатан қарши фикрлар билдиргани ва жамиятда муҳокама қилинаётган масалалар бўйича ўз сиёсий фикрини очиқ айтгани учун ҳеч қандай таъқиб бўлмаганини айтган.
* Садир Жапаров «Азаттык» радиосига яқинда берган интервьюсида ҳозирда Қирғизистонда митингларга чиқаётган сиёсатчиларни, фаоллар ва журналистларнинг ҳеч бири таъқиб қилинган йўқ деб айтган.
Курўновнинг қўлга олиниши
Конституциянинг янги лойиҳасига фаол қарши чиқиб, уни қабул қилишга қарши митингни уюштирган фуқаровий фаол 15 мартда қўлга олинган. Фаол икки суткага вақтинча сақлаш жойига киритилган.
Бишкек ШИИББдан фаол Курўнов ижтимоий тармоқдаги билдирувлар учун ушланганини тасдиқлашган. Унга кўра, фаолнинг билдирувларида «ҳукуматни куч билан босиб олишга ва оммавий тартибсизликларга очиқ чақириқлар» сезилган.
«Мазкур факт Бишкек ШИИБнинг КРЖБнда рўйхатга олинган ва «Ҳукуматни куч билан босиб олишга очиқ чақириқлар» ва «Оммавий тартибсизликларни уюштиришни режалаштириш» моддалари бўйича судгача текширув бошланган», — деб билдирган ШИИББ.
ШИИББдан келган жаноб
Юрист ва Конституциявий ҳуқуқ бўйича мутахассис Сания Токтогазиева 26 февралда ўзини милиционер деб таништирган номаълум киши у ҳақда маълумот йиғаётганини хабар қилган.
Унинг айтишича, бир нотаниш киши ўзини Мирлан Качкинбаев деб таништириб, подъезд бўйича масъул кишига қўнғироқ қилган (Качкинбаев подъезд бўйича масъул Токтогазиеванинг турмуш ўртоғи эканини билмаган бўлиши керак). Качкинбаев Сания Токтогазиевани излаётганини айтиб, у қайси квартирада яшаётганини билиб беришни сўраган.
«Шундан кейин у [Качкинбаев] келган, турмуш ўртоғим унинг ҳаракатларини ёздириб олиш мақсадида камерасини ёқиб, видеога олган. Учрашганда Качкинбаев бир нарсани сезгандай бошқа мавзуда сўзлай бошлаган. Умуман бошқа воқеани айтиб, соқолли икки қизни излаб юрганини билдирган. Турмуш ўртоғим унга Сания Токтогазиевани изламаётган эмасмидингиз деб сўраса, ҳеч қачон ундай демаганман деб жавоб берган», — деб билдирган Токтогазиева.
