1 февралда Бишкекда кетма-кет уч митинг ўтмоқда — икки митинг Ҳукумат уйининг олдида бўлса, бири Олий суд биноси олдида ўтмоқда.
Йиғилганлар муаммога эътибор қаратишни талаб қилмоқда. Октябрь воқеаларидан кейин ҳукумат митингчиларнинг айрим масалаларини ҳал қилишга ваъда берган. Митингчиларни нима қийнамоқда?
«Караван»нинг тақдири
«Караван» савдо марказининг савдогарлари ижара шартномасига боғлиқ масалани ҳал қилиб беришни талаб қилишмоқда. Митингга 100га яқин одам қатнашди.
Ижарачиларнинг бири Дамира Абдиеванинг айтишича, яқинда уларга жойларни бўшатиш талаби бўйича навбатдаги билдирув келган. «Биз сўнги марта митингга чиққанда ҳукумат комиссияси тузилган эди, унинг натижаси қандай бўлишини билмаймиз. Бизга фақат бир нарса керак, тинч ишлатишсин, ҳуқуқларимиз шартнома ва қонунлар билан ҳимоялансин», — деди у.
Шу билан бирга мазкур савдо марказининг ижарачилари тўртинчи марта митингга чиқди. Охирги марта 2020 йилнинг ноябрида вице-премьер-министр Элвира Сурабалдиева митингга чиққан ижарачиларга ёрдам беришни ваъда қилган.
«Караван» савдо маркази олдин Бишкекнинг собиқ мэри Нариман Тулеевга тегишли бўлган. 2013 йили суд сиёсатчини коррупция жиноятларида гумондор деб топиб, савдо марказини мусодара қилган.
Ҳозирда «Караван» савдо маркази давлат тасарруфида: «Мулк» давлат ишхонасининг балансида, у ҳар йили 74 млн сомгача даромад олиб келади.
2020 йилнинг баҳор ойларида савдо маркази ижарачилар учун электрон ким ошди савдосига қўйилиши маълум бўлган. Шу сабаб 2020 йилнинг 15 августидан бошлаб олдинги ижарачилар қарзларини тўкиб, бинони бўшатиши керак. Билдирувда ижарачилар электрон ким ошди савдосидан ижарага олиш ҳуқуқини сотиб олса бўлиши айтилган. Бироқ уларнинг бунга чамалари етиши гумон.
Ер ажратиб бериш талаби
Ижарачилардан ташқари ҳукумат уйининг олдига митингга ер беришни талаб қилган 100га яқин одам чиқди.
«Аламудун туманининг қишлоқ ҳукуматида ер оламиз деб мен сингари навбатда турганлар кўп, ўн йилдан ошди. Ололмаяпмиз. Кўпчилик ерни сотиб олган. Бироқ рухсат қоғозлари йўқ. Бу ошкора талон тарожлик», — дейди акцияга қатнашган Бактигул Ўмуралиева.
Касаба уюшмаси федерацияси
Олий суд биноси олдига касаба уюшмаси федерациясининг собиқ раҳбари Мирбек Асанакуновнинг 30га яқин тарафдори чиқди.
«Биз суд адолати ва у Асанакуновни ягона қонуний раҳбар деб қарор чиқаради дея ишонамиз. Биз уни қўллаш учун чиқдик», — деб билдирди митингчилардан бири.
Асанакунов мазкур тармоқ раҳбарлигидан четлатилгандан бери можаролар тўхтамайди. Федерация аъзолари Мирбек Асанакунов ҳуқуқ тартибот органлари билан парламент депутатларидан фойдаланиб қисувга олинаётгани бўйича бир неча марта билдиришган.
25 декабрда Касаба уюшмалари федерациясида икки муддатсиз съезд ўтиб, унда икки ҳал федерация раҳбари тайинланган — бирида Мирбек Асанакунов, иккинчисида Сагин Бозгунбаев сайланган.
Бозгунбаев Қирғизистоннинг касаба уюшмалари федерациясининг раҳбари қатори Юстиция вазирлигида рўйхатга олинган. Бироқ Асанакуновнинг тарафдорлари жанжал чиқариб, унга ишлашга имкон бермаган.
Бугунги кунда федерация раҳбарини сайлаш бўйича суд текширувлари давом этмоқда.
