Қўшиқчи Айчурўк Султанова фейсбук саҳифасига Жаниш Бакиевнинг аёли Орозгул Токторбаева билан тушган суратини эълон қилди. Бироқ Султанова кўп ўтмай суратни ўчириб юборган.
«“Достор” гуруҳининг нафис, меҳрли дўстимиз Орозгул Токторбаева келиб, қувончимиз чексиз. Яхши лойиҳа билан келди. Ишларига омад!» — деб ёзган Султанова бўлишган суратда. Орозгул Токторбаева сўнгги йилларда Жаниш Бакиев билан Минск шаҳрида яшайди. Уларнинг бир ўғил, бир қизи бор.
Жаниш Бакиев ким?
Жаниш Бакиев — Қирғизистоннинг иккинчи қочқин президенти Курманбек Бакиевнинг укаси. У давлатни акаси бошқарганда Давлат назорат хизматига бошчилик қилган.
Суд 2013-йили 2010-йилдаги апрель инқилобида қулатилган президент Курманбек Бакиевни сиртдан 24 йилга озодликдан маҳрум қилган, укаси Жаниш Бакиев умрбод кесилган.
Улар президент аппаратининг собиқ етакчиси Медет Садиркуловнинг ўлимига алоқадорликда айбланишган. Суд Жаниш Бакиевни қотиллик, қийноқ, одам ўғирлаш, УЖГ тузиш ва ўлган одамнинг жасадини масҳаралаш бўйича айбдор деб топган.
Суд оғир ва ўзгача оғир жинояти учун Жаниш Бакиевни «генерал-лейтенант» ҳарбий мақомидан маҳрум қилган.
Ҳозирда ака-ука Бакиевлар Беларусда истиқомат қилади — уларни Қирғизистоннинг собиқ ҳукумат раҳбари, Курманбек Бакиевнинг сафдоши Данияр Усўнов (Даниил Урицкий) бошқарган БУБК компанияси билан боғлашади. «Урицкий» Данияр Усўнов эканини тан олгани билан Беларус президенти Александр Лукашенко уни Данияр деб атаб, қирғизлар ҳақида айтиб ўтган.
БУБК — 2016-йили очилган Белорусия давлат ишхонаси. У ўзининг ва хорижий маблағлар ҳисобидан Беларусиянинг агро енгил саноатига 1 млрд доллар қўшишни режалаштирган.
