Қирғизистоннинг бизнес-омбудсмени Робин Орд-Смит тадбиркорларга нисбатан босим ўтказишни тўхтатиш илтимоси билан ҳукуматга мурожаат қилди. Унинг айтишича, маҳаллий бизнес COVID-19 пандемиясининг касофатидан қаттиқ жабр кўрди ва ҳуқуқ тартибот органлари тарафидан босимнинг кучайиши тадбиркорларнинг банкрот бўлишига олиб келиши мумкин.
«Давлат бюджетининг ўрнини тўлдириш истаги тушунарли, аммо бу тадбирларнинг узоқ муддатли оқибатлари ҳисобга олиниши керак. Пандемия ва октябрь ойининг воқелари мамлакат ҳудудидаги ишхоналарга ва тадбиркорларга жиддий зарба берди; аксарият ишлар тўхтаб, кучсизланди, қолганлари бизнесда қолиш учун курашмоқда, кўплаган ходимлар бир неча ойдан бери маош олгани йўқ. Бюджетга тадбиркорлик субъектларидан қўшимча маблағларни жалб қилиш ҳаракатлари уларни банкротликка ёки мажбурий ёпишга олиб келувчи рискларни пайдо қилмоқда», — деб ҳисоблайди Орд-Смит.
У ҳукуматнинг иш-ҳаракатлари қонун устуворлиги принципидан шубҳага туртиб, иқтисодни қайта тиклашга тўсқинлик қилиб ва сармоядорларни хавотирлантираётганини таъкидлади.
«Тадбиркорлик операцияларини соддалаштириш, қулай тадбиркорлик муҳитини яратиш, бюрократияни камайтириш ҳамда тадбиркорларга ҳозирги қийинчиликлардан чиқишга ёрдам бериш мақсадида уларга кўрсатилаётган ёрдамни кенгайтириш бўйича ислоҳотларни тезлатиш тўғри ва мақсадга мувофиқ кўринади», — деб таъкидлади Орд-Смит.
Коронавирус пандемияси сабаб Қирғизистонда иқтисодий вазият кескин ёмонлашган.
Кичик ва ўрта бизнес эгалари маош тўлай олмагани сабаб ходимларини ишдан чиқаришга мажбур бўлаётганини айтишган. Бунга қарамай солиқларни ва ижара ҳақини тўлаб келишмоқда.
Бизнес-омбудсмен коронавирус пандемиясининг оқибатидан қаттиқ жабрланган маҳаллий бизнесга қўллов кўрсатиш илтимоси билан ҳукуматга бир неча бор мурожаат қилган. У мамлакатдаги сиёсий вазият иқтисодга ҳам қаттиқ зарба берганини айтиб, уни тартибга солиш керак эканини билдирган.
«Тадбиркорликнинг ва инвесторларнинг заифлашган ишончини қонунийлик барчага бирдек бўлганда, тадбиркорликнинг ҳуқуқлари бузилмасдан, аксинча ҳимоя қилинганда қонун олдида бари бирдек жавобгарликни олганда, барча фаолиятлар очиқ бўлганда, жумладан коррупцияни бартараф қилиша йўналган тадбирлар бўлгандагина бизнеснинг ҳамда инвесторларнинг сусайган ишончи тикланади», — деган у.
