Республика штаб 5-декабрда Қирғизистонда коронавируснинг янги 401 ҳолати рўйхатга олинганини маълум қилди. COVID-19 юқтирганлар орасида олти тиббиёт ходими бор.
Ҳудудлар бўйича:
- Чуй вилояти — 133 (бир медик);
- Бишкек шаҳри — 99 (икки тиббиёт ходими, бири қизил ҳудудда ишлаган);
- Ўш вилояти — 22;
- Ўш шаҳри — 20;
- Иссиқкўл вилояти — 45;
- Баткен вилояти — 26;
- Жалолобод вилояти — 39;
- Норин вилояти — 2;
- Талас вилояти — 15;
Бундан ташқари, Бишкек шаҳрида коронавирусдан беш киши вафот этди.
Охирги суткада касалликдан 425 бемор соғайди — уларнинг орасида 11 тиббиёт ходими бор. Ходимларнинг тўрт нафари стационарда, еттиси эса уй шароитида даволанган.
Коронавирусдан Бишкек шаҳрида — 124 , Чуй вилоятида — 102, Жалолобод вилоятида — 60, Иссиқкўл вилоятида — 40, Ўш вилоятида — 11, Баткен вилоятида — 53, Талас вилоятида — 16, Ўш шаҳрида — 10 ва Норин вилоятида тўққиз бемор соғайиб, касалхонадан чиқарилди.
Шу билан Қирғизистонда COVID-19 юқтирганларнинг умумий сони 74 774га етди. Улардан 66 538 бемор касалликни енгиб, 1290 киши вафот этди.
Бугунги кунда касалликдан 2 616 бемор шифохоналарда даволанмоқда — уларнинг ичидан 110 киши ўта оғир аҳволда. 3 515 бемор уй шароитида даволанмоқда.
