Ҳукуматнинг матбуот хизмати билдиришича, Хитой «Эркечтам» ва «Торугарт» ўтказиш пунктларининг иш вақтини 8дан 12 соатгача кўпайтириб, уларни дам олишсиз ҳар куни ишлаш режимига ўтказишга тайёр.
«Автотранспортнинг кўпайиши суткасига 30 машинагача бўлиши мумкин», — деб билдиришди матбуот хизматидан.
Икки назорат ўтказиш бекатининг ўтказиш салоҳиятини оширишга розилигини Хитойнинг Қирғизистондаги элчиси Ду Девен премьер-министр вазифасини бажарувчи Артём Новиков билан учрашганда билдирган. Элчи Хитой томон Қирғизистоннинг бир қанча мурожаатларидан сўнг «Эркечтам» ва «Торугарт» ўтказиш жойларининг ўтказиш салоҳиятини ошириш бўйича бир нечта кенгашлар ўтказганини таъкидлади.
У «Эркечтам» ўтказиш пунктининг инфраструктурасини яхшилаш учун Хитой томон икки омбор қуриб, контейнерлар учун кран ўрнатишини билдирди.
Шу билан бирга элчи «Торугарт» бекатининг иши об-ҳавога, пункт орқали ўтувчи юкнинг алгоритми ва коронавирус тарқалишини олдини олиш чораларига боғлиқ эканини таъкидлади.
Артём Новиков масалани тез орада ҳал қилгани учун Хитой томонга миннатдорчилик билдириб, назорат ўтказиш бекатларининг ўтказиш имконини оширувчи барча чораларни қўллашга ваъда берди.
«Биз томондан барча тегишли хизматлар Хитой билан биргаликда ишлаш режимига ўтказилади», — деди у.
Қирғиз-Хитой чегарасидаги «Эркечтам» ва «Торугарт» ўтказиш бекатлари коронавирус касаллигини тарқалиш хавфи сабаб 23 январда ёпилган. Унда Қирғизистон барча ҳаво ва авто қатновларни тўхтатган эди.
«Эркечтам» пункти Қирғизистоннинг илтимоси билан 15 апрелда ишини қисман тиклаган. «Торугарт» пункти 8 июндан бошлаб ишлайди деб Қирғизистоннинг ТИВ билдирган эди, бироқ Қирғизистондаги эпидемиологик вазият ёмонлашгани сабаб мазкур пункт ёпилиб қолган.
ТИВнинг маълумоти бўйича «Торугарт» ўтказиш пункти 8 сентябрдан иш бошлаган. Бироқ коронавирус пандемияси туфайли чеклов киритилган.
Ўлкадаги эпидемиологик вазият барқарорлашгандан кейин республиканинг тадбиркорлари Хитойдан кирган товарларни ўтказиш масаласини ҳал қилиб бериш талабини қўйишган.
Қирғизистоннинг бозорлар ассоциацияси ўлканинг тадбиркорлари, қишлоқ хўжалик маҳсулотларини етиштирувчилардан бошлаб сотувчиларгача катта зарар кўраётганини, сабаби товар ташиган фуралар чегарада тўпланиб, уларни жуда секин айтишаётганини билдиришган.
«Дордой» бозорларнинг тадбиркорлари 2 ноябрда ҳукумат уйи олдига йиғилиб, ҳукуматдан Хитойдан келувчи товарларни ўтказишга боғлиқ масалани ҳал қилишни талаб қилишган. Улар бундан банкрот бўлиш арафасида эканлигини айтишган.
